ليه بنتفهم غلط

موضوع: ليه بنتفهم غلط الخميس أبريل 23, 2009 9:34 pm

سؤال يحيرنى ويشغل بالى ليه بنتفهم غلط فى كتير من تصرفاتنا نكون عايزين نقدم خدمه وتتفهم انها مصلحه

نضحك ضحكه بريئه من قلبنا وتتفهم انها ضعف من نفسنا

نعمل خير ونتفهم اننا بنكره الخير للناس

نجامل مانحاول نجرح احد حتى لو اخطا ونتفهم انه ضعف وقله من شاننا

نقابل الناس بحب واهتمام ونلاقى البعد والاستهتار بمشاعرنا

نسال عنهم ؛ما فيش رد؛ تبكى عيونا ولا حتى لحظه تحن فيها قلوبهم

نكون بمفردنا حتى واحنا معاهم وده اصعب احساس بالغربه وهى الغربه وسط الاهل والاصحاب

الغربه حتى وانت مع نفسك لحظات مريره نشعر بها ولا احد يشعر بنا

متى سنجد من يفهمنا ومن يقدر احتياجاتنا ومتطلباتنا؟

ومن يعرف وماذا نريد ومتى نريده؟

من فضلكم ارجو الرد يمكن انا اللى فاهمه غلط.

كن كنخيل عن الاحقاد مرتفع يرمى بحجر فيرمى اطيب الثمر
السؤال الاسهل لماذا ننتظر من الناس الجزاء
ان كنا ندرك ان رب الناس لا يغفل او ينام
لا تتضايقينى ان قوبلتى من البعض بجفاء عسى ان يبدلكى الله من يكون افضل حالا فى فهم مرادك
ولا تحزنوا وانتم الاعلون باذن الله
سلام

مشكور يا عاشور بس على فكره ده مش خاص بي انا ده موضوع نقاش عام

اهلا بيكى يا همسة فى المنتدى واحب احيكى على الموضوع اولا

لانه موضوع بجد يستاهل النقاش انا اعتبر نفسى واحد ممكن تتنطبق عليه تلك الواصفات

وفكرت كتير وكنت دايما بسال نفسى ليه ليه ليه الصدق بيتقابل بكدب ليه الحب بيتقابل بكره
انا مش اقصد الحب اللى بيبقى بين شاب وفتاه لكن اقصد الحب الاخلاقى الحب بين الاصحاب والاهل والجيران الحب لكل الناس والوفاء دايما بنلاقى عكس اللى احنا بنعمله دايما بنتفهم غلط
وبيبقى ليه يقين جواهم اننا بنعمل كدة علشان لينا مصلحة عندهم او على اننا عايزين نتقرب منهم برضو بسبب مصلحة بجد احساس مش عارف اوصفه
وفعلا انا لما بتحط فى اى موقف من دول بتصدم فعلا ومش بقدر اصدق وغصب عنى بضطر انى اضحك ودايما الضحة بتتفهم على انها ضعف منى
مش بيفهموا ان الضحكة دى دليل على شدة الموقف او ان الانسان اللى ضحك ده فى حالة انهزال وانكسار من الصدمة اللى قابلها
انا حاولت انى ابقى زيهم واعملهم بنفس الاسلوب بس معرفتش واكتشفت انى انا الاحسن وان زى ما قال عاشور مش لازم انتظر الجزاء من الناس ولا حتى مقابل على اى شىء انا بعمله وانى انتظر الجزاء من ربنا
وايقنت انى مسألش نفس السؤال ده لنفسى تانى طول ما انا مقتنع من جوايا باى شىء انا بعمله وعارف انى صح وان تفكيرهم ده مبنى على غيرة او حقد او على اوهام داخلهم يبقى مش لازم اغير من نفسى ولا من طبعى ولا تربيتى فى انى عاملهم بنفس المعاملة او انى اتخاذل فى انى اساعدهم تانى لو لجؤولى فى اى شىء

اسف على الاطالة لكن فعلا انا كان نفسى اتكلم عن الموضوع ده من بدرى اوى

وشكرا ليكة مرة تانية يا همسة الموضوع جميل

اولا دة مش بيكون من كل الناس اللى بتتعاملى معاهم
دى نسبة قليلة منهم
وبعدين عامل الناس بمثل ما تحب ان يعاملوك بة

شكرا ليك يا نجم وانا سعيده جدا ان لقيت شخص فاهم وجهة نظرى وكما قلت وايقنت انى مسألش نفس السؤال ده لنفسى تانى طول ما انا مقتنع من جوايا باى شىء انا بعمله وعارف انى صح وان تفكيرهم ده مبنى على غيرة او حقد او على اوهام داخلهم يبقى مش لازم اغير من نفسى ولا من طبعى ولا تربيتى فى انى عاملهم بنفس المعاملة او انى اتخاذل فى انى اساعدهم تانى لو لجؤولى فى اى شىء
بصراحه محتاج منا ان نكبر دماغنا باللغه الدارجه وشكرا ليك

شكرا ليكى يا بنوته

انا عارفه ياختى ليه بس كده بنفتهم غلط كتير والله
بس نعمل ايه اللى بيعمل حاجه دى اكيد مش هايستنا من حد الجزاء
لان الجزاء عند الله
واحلى من كده ان الواحد يبقى على طبيعته
وكلو على الله
شكرا على الموضوع ده
ياستازه:همسه

شكرا يا عمر على الرد والاهتمام