الفارس الشيطان18

فارس فيه ايه
مى انا بجد اسف ومش عارف ابدا من فين الكلامlالمهم لازم تسمعينى كويس .الشركه بتسرق
شوكت بيسرقك
ونظرت مى لفارس مزهوله وصمتت قليلا واخذت تحملق فى فارسثم فى زهول قالت
فارس اوعى تكون بتقول كده عشان الخصم اللى حصل
مى انا متخصمشى منى حاجه
نعم
سبينى احكيلك كل حاجه
ممكن تسمعينى
من فتره بدات استلم كراتين الصينى مغلقه تماما ومكتوب عايها نوع الفرز اول او تانى
فى البدايه اعتبرت الامر طبيعى
لحد ما كنت نازل البلد فى مره ودخلت مع امى محل بيع ادوات منزليه وطبعا عندك فكرة ازاى الواحدة بما تيجى تشترى حاجه تفضل تقلب فيها وتسأل ميت سؤال تخلى العامل يتخنق منها فكنت اشغل نفسى بعيد عن اللف معها واتصنع فحص بعض المشتريات لحد ما لفت
نظرى طقم صينى انتاج نفس الشهر فرز اول انتاج المصنع
مع ان نفس الشهر كل الطلبيات كانت فرز تانى فاستغربت قوى وخدت بيانات بتاعه الكرتونه واشتريت طقم حتى امى استغربت يومها سالتنى لمين ده فقلت نشيله لاختى سهام اهو ينفعها ..طبعا شكرتنى ودعتى وهى معندهاش اى فكرة عن الموضوع
ولما سالت صاحب المحل عنالمورد للبضاعه مرديش يقلى
عموما دا ممكن يكون طبيعى لان التاجر الشاطر ميحبش حد يعرف من فين بيجيب البضاعه او كم سعرها.المهم ان دا قلقنى برضه ممكن بكون صاحب المحل بيشترى الفرز الاول وعارف انها مش فرز تانى وبيشترك معهاهم فى تبديل الكراتين برة..
لما رجعت الشركه فتحت بعض الكراتين المكتوب عليها فرز تانى لقيتها فرز اول
طب ايه علاقه شوكت بكده
هو اللى بيمضى بدخول البضاعه بعد غلقهاغير كدة انا لحظت ان كميه الكراتين الموردة للمصنع فرز اول بتكون كميه اكبر من اللى المصنع بيستهلكها ودا بيوضح ان فى كراتين فارغه بتخرج من المصنع
جايزشوكت معندوش فكره
الكراتين لما تتبعت خروجها لقيتها بتطلع من المخازن بتوقيع منه يوم الاربعاء اللى بكون فيه فى الكليه
كمان فى حاجه تالته عايز اصارحك بيها بس ارجوكى متفهمنيش غلط
فارس انت مخبى ايه اكلم خليك صريح
انا زمان رحت قابلت سميره فى الهرم عشان اديها الشيك فاكره
اه افتكرت انك قلت انك هتودى الشيك
اليوم ده كان تانى يوم من توقيع الخصم على
اه انا وعدت مروة ان حشوف الموضوع ده
استنى خلينا فى موضوعنا انا يومها قابلت سميره فى الكليه وحبيت اديها الشيك فسالتنى انت فين وحبت تطمن على
حكيتلها انى بشتغل فى الشركه وان امورى اتحسنت عن الاول كتير والكلام جب بعضه عرفت موضوع الخصم واللى حصل
طلعت تعرف شوكت فاتصلت بيه وكلمته راح شال الخصم على طول عنى
وامتقع وجه مى اتعجز عن رفع الخصم عن صديقها وتفلح سميره فى عقر دارها
وبعدين حصل ايه
خرجنا سوا دعيتنى للاهرام للغداء وكان صعب انى ارفض فرحت معاها
وكأنما نست ما بحدث فى مصنعها واصبح اهتمامها منصب عن صديقه عمرها بالسهوله دبه تنسى مروة.هى سميرة حتفضل تجرى وراك لحد ما تشنكلك
استنى يا مى لانها واحنا بنتكلم مختش بالى يومها او قولى مفهمتش قصدها لان فى وسط كلامها طلبت منى افتح مخى مع شوكت وهو هيبسطنى
صراحه انا مفهمتش تقصد ايه واعتبرته كلام عادى كاى موظف بيجارى رئيسه ويكسب وده
لكن لحظت ان بعض العمال فى الشركه مستواهم فى اللبس والمظهر ميسمحشى مرتبهم بيه
وان فى احاديث بينهم بتم مع شوكت و دايما يطلبهم المكتب تقدرى تقولى ان الفار لعب فى عبى والشك زاد اكتر ..ومكنتش عايز افتح اى موضوع الا لما اتأكد
ولما عرفت موضوع الكراتين واللى بيحصل فيها استعنت بالليل ببعض العمال اللى بثق فيها ومتاكد من وضعهم
وغيرت الكراتين من فرز تانى لاول
لكنى دلوقتى خايف من اللى ممكن يحصل
وبكره فيه طلبيه حتسلم
محدش عارف لو خرجت واكتشفوا الوضع بيحصل ايه
انا دلوقتى فى وضع صعب معرفش ازاى الحسابات ماشيه
ممكن تكون البضاعه الفرز التانى مسجلنها على انها اول وهنا ممكن يظهر عجز فى المخازن لانها حتخرج على انها فرز تانى
فارس انا مش فهمه الموضوع كويس بس اتاكد انى جنبك
المهم اتصرفى من هنا لبكره
وياريت تبعتى حد يحرس المخازن
لان مش بعيد يحاولوا يحرقوها لو حسوا بحاجه
متخفش طول ما ربنا معانا هيسترنا
خلاص انا ماشى ومستنى رجاله من عندكم
وقبل ان ينهى فارس كلامه اطبقت الخطيبه على خطيبها بعيون يملاءها الشك
انت هنا بتعمل ايه.سايب الشغل وجى تقابل مى
مروة
لكن الانثى المتنمره كانت اكثرضراوة وقد كشفت انيابها
لكن فارس صاح بعصبيه غير معهوده انتى عرفتى منين اننا هنا
فخفت نبره صوتها وكانما احست انها تسرعت..فمن دفعا الى هنا حيث يجتمع فارس بمى
فتمتمت بصوت خافت
سميره
يتبع

ماذا ساكتب .......حقيقه تختفي كلماتي في حضره كلماتك ...
جميل جدا ...بس بجد فين القراء....
انتظر التاسع عشر بشوق كبير....
تحياتي

جميل بجد تطور الاحداث فى الجزء دة عجبنى اوى

واكيد مشتاقين للباقى
شكرا محمود

الاحدا ث جميله جميله جدااسلوبك رائع رائع عاشور tha