دموع قلبى المجروح

ليه ياللى كنت على قلبى غالى تبيع قلب سهر فى حبك ليالى

هو ده الحب اللى فيكى يا دنيا توهمينا بيه ويضيع منا فى ثانية

يا خسارة عمرى اللى عشتهولك ده لو كنتى طلبتى عمرى كنت وهبتهولك

خطفتى الفرحة من عنينا حتى الذكرى استكترتيها علينا

ليه ما سيبتيناش نخطف لحظات العمر اللى باقى خدتى منى الحب وسبتينى اسير اشواقى

هو ده الحب اللى بتتباهى بيه فى حكاويكى هى دى الصورة الموجودة فى غناويكى

بس برجع يا دنيا وبقولهالك لا لو كان هو ده حبك يبقى لازم انساه

ايه بعد قلبى هيبقالى يهون عليا وحدتى ويسألنى مالى

ايه يخلينى اجى على نفسى واضحى بيه علشان وهم اسمه حب اختفى من حياتنا ومش هنلاقيه

اهون عليا يا دنيا اعيش فى عذابك بدال ما ارجع الف واكون خدامك

ادتينى ايه يا دنيا علشان تاخدى مكتوب عليا اعيش فيكى قدرى ونصيبى

بتاخدى منى الاحباب وبتسبيلى الانين بتسيبيلى زكرة مرة بتذيد مع السنين

لكن ارجع واقولك لا يا دنيا مش هستسلم لقساوتك وارجع اتوه فى دوامة الحياه تانى

هنسى الحب ومن قلبى هرميه بعد ما جمعتى ع>ابك وفى قلبى بتخليه

مش هقدر اعيش فيكى يا دنيا اسف بعد ما خليتى فى قلبى جرح فراقه نازف

من كتر قساوتك علينا اتغيرت ملامحك رجعيلى حب عمرى وانا مسامحك

صدقينى هو اللى فى عذابى باقيلى رجعيه لحضن قلبى وصالحينى

لو كنت هقدر احب بعده كنت سكت وكتمت حزنى فى قلبى وصبرت

فى بعده حبيت غيره حاولت لكن عذبنى بعده وهربت

مدى ايدك يا دنيا خدينى فى حضنك ده احنا مهما قسينا على بعض انا برضه ابنك

من بعده وفراقه اتولد عندى من الاشواق بركان والحزن والالم اصبحوا فى قلبى طوفان

كفاية بقى فى فراقه عذاب ولا الحزن دايما بتكتبيه على الاحباب

كان نفسى تحسى بيا تحاولى تعرفى ايه بيا

كل ما بفتكر اللى فات بسرح فى حبك بالساعات

وانتى عمرك ما كنتى داريا بيا لانك لحبى عمرك م كنتى شارية

كنت عارف ان بعدى عنك موت ابعدى بعيد وامشى فى سكوت مقدرش اسمع منك كلمة تانى ولا صوت

مش خلاص بعتينى هتبقى على ايه تانى بعد ما كسرتى جوايا كل الامانى

كنتى فاكرة بتخافى عليا وانتى كنتى خايفة على نفسك مش بعيد كنتى بتكدبى عليا حتى فى همسك

لو كنتى حسيتى الحب اللى جوايا مكنتيش بسهولة تبيعى هوايا

لو كنتى بصيتى فى عنيا كنتى هتلاقيهم مليانين حب وخوف عليكى

لكن كل اللى قدرتى عليه انك تجرحى مهنش عليكى حتى لحظة معاية تفرحى

سيبتى الزمن والدنيا يلعبوا بيكى شوفى بعد حب قلبى حب مين هيكفيكى

فاكرة لما قولتى هى الحياه بالنسبالك ايه غير انك تلاقى قلب بجد يحبك ويخاف عليك وتخاف عليه

بسهولة ضحيت كدة بيه بعد ما عشت سنين تحلم بيه

مدتش نفسك فرصة تفكر قلبى صابر عليك ليه كل دا

اعند براحتك كمان وكمان بس الحب اللى حبتهولك محبهوش انسان

اوعدك على قد ما اقدر هحاول اقسى لكن الاصعب انى مش هقدر انسى

لازم تبعد عنى بعيد وبعيد مانتا فى بعدك مش هتعيش زيى وحيد

هتلاقى فى بعدى اللى ينسيك لكن انا مين هينسينى نظرة عنيك

بس لما صحيت من وهمى لقيت انك عمرك فى بعدى ما بكيت ولا جيتلى تصالحنى بقلبك وحنيت

بعد ما بعدى قلبى بقى كل شىء فى الامكان كل حاجة فيك مخبيها مع الوقت هتبان

حب عمر اللى حبيته وعمرى ما بعته رجع وبعنى خلاص مش هيفيد معاه حب واخلاص ولا هقدر اقول خدعنى

وارجع واقول اصبر يا قلبى ده برضو حبيبى حتى ولو راضى انه يذيد فى تعذيبى

مبقتش عارف اروح فين ولا اجاى منين لو اختفى من حياته يا ترى هيسأل ويقول انا فين

بكيت من الوفا والوفا عليا دين مكتوب عليا اعيش بعده مكسور حزين

مجبور اعيش ودمعتى فى عينى من كتر الحزن والالم دموعى بتكوينى

خسارة ضاع منا الهوى وما فيش غير الحزن اللى باقى

انتى اللى اتغيرتى صدقينى وغرورك ساعدك تفهمينى

على فكرة بجد وحشتينى رغم بعدك ورغم انك نستينى

هسمع ضحكتك مع حد غيرى يا ترى هتقدرى تنسى كل شىء بينا جرى

كل همسة منك هتفضل منقوشة فى قلبى لحد ما اشوفك مش مهم فى الدنيا ولا فى الاخرة بس اكيد هشوفك

مكتوب علينا كدة نعيش باوجاعنا نقول مهما نقول ولا قلب هيسمعنا ونصيب مكتوب دايما يودعنا

ازاى نشوف الضحك فى عز مدامعنا صبرت كتير يا دنيا وهصبر ولا عمرى هقول اشمعنا

كنت فاكر بتحبنى لكن طلعت انانى ايوا انانى مش مصدق ارددها تانى

فاكر نفسك انك لوحدك اللى هتعانى بعد ما قطفت كل الورود اللى فى بستانى

مسمعتش كلمة وحدة من كلامى بتبقى فين لما بصرخ من وجدانى

اديت للبعد فرصة ما بينا لما فكرت انك تحب غيرى

شوف هتعرف تعوض اللى عدى من حبى ليك ازاى تانى مش بعيد تحب غيرى وما اكونش اخر اللى جاى

فكرت فى نفسك ونسيت انا مين انا اللى مكنش هتفرقنى عنك سنين

انتا اللى بعدت وده اختيارك بعد ما فكرت فى نفسك وخدت قرارك

راجع تقول لسة بتعشقنى بتخدع نفسك ولا بتخدعنى

ده الحب مالهوش غير طريق واحد ولا حيرة ولا جنون يخلوك تفكر تحب غيرى تانى

بتقول انى فى الحب والاشواق كداب طيب اسأل اللى كنت بمدحك عندهم انا مين

لكن الايام هتعرفك فى خسارتك ليا انا مين

قضى باقى حياتك تدور على حب تانى لكن قلب يحبك زى قلبى مش هتلاقى تانى

انسى اللى راح وكل اللى كان هو ده اللى انت مستنيه من زمان

لا بجد ببعدك عنى فاجأتنى ده بدال ما ترجع تقولى انك بتحبنى

جى دلوقتى بتحط بيننا حدود وكان حبك ليا مكنش موجود

اخر حاجة كنت اتصورها انك تقسى بس يا رب فى جرحك ليا تقدر تنسى

عيش وحب بعدى وانت عارف انك ظلمتنى عارف مش هتحس بذنب لان عمرك ما كنت بتحبنى

بعد ما امنتك على حبى ووثقت فيك ارجع الاقيك مش واثق فيا مهما دموعى تحاكيك

ده عمر ما دموعى نزلت منى الا ليك وعليك

روح وحياه حبى مسامحك وربى يصبرنى على جرحك

اية دة يا عينى
دة الظاهر كدة ان القلب اتجرح اوى
ودة اثار الجرح
بجد كلمات جميلة اوى
تسلم ايدك

خلى عينك انتى بس على جنب
شكرا بنوتا على مرورك وردك
تحياتى

اقول ايه بس غير ااالله ااالله عليك فعلا
كلام جميل والاحساس اجمل
بجد احساسك عالى اوى وجميل جدا
تسلم الانامل الذهبية
تحياتى

تسلمى ملكة الحب
على مرورك الجميل وردك الاجمل
تحياتى

الكلام لما يكون من القلب وبكون صادق بالاحساس بتسطر بحروف صادقه وبكون الاحساس اقوى من اي جرح او الم كبير
كلماتك رووووووعه لانها صادقه واحساسها واصل لاي قارئ انا عن نفسي اتاثرت بدمووع قلبك المجروح
بس كافي جراح وحزن خلاص ال م
تحياتي النجم الساطع

بجد احساسى بيك كبير دموع قلبى المجروح 101969

وعرفاه لانى للاسف مجرباه وخلاص يأست من الحياه وليه القلب يعيش معاه
قفلته ومش فتحاه قلبى حيفضل كده وحيد مع دنياه وربنا يصبرك ويصبرنى مع الايام وسلام ومفيش فعلا اجمل من ده كلام ربنا يوفقك فى حياتك دموع قلبى المجروح 854341

من

سرى فى عيونى دموع قلبى المجروح 854341

واسفه على الازعاج

كلاااام جمييل واحساس رائع اتمنى لك التوفيق دموع قلبى المجروح 407228

بجد مش مصدق انى فى فترة من عمرى كتبت الموضوع ده
وكل حرف وكل كلمة كتبتها باحساسى
يااااااه على قد ما كانت ايام الواحد مكنش فيها فاهم معنى كلمة الحياه اوى
وان الحياة مش بتمشى بالاحاسيس بس وايام ظلمنا فيها ناس وناس تانيين ظلمتنا
بس بالنسبالى الايام دى عاملة زى الورده ابلى خلاص ماتت ودبلت وانتهت
الا ان ريحتها الجميلة لسة موجودة جوايا وحاسس بيها لوحدى
الاصعب بقى فى الايام دى انها قتلت البراءة اللى كانت جوايا
بس الحمد لله اتغلبت عليها

😟😟😟😟😟 سبحان الله العمر غفله مرت ٩ سنين والحياة اتغيرت اليوم بالذات مش عارفي ليه اتذكرت منتديات هدهد ...ايام ما كنت سعيده مع كل كلمه بتنكتب هون ومع الفارق الكبير الي مر بحياتي من ٩ سنين والمنتديات صارت ورقه ذكريات مع الكم الهاءل من مواقع التواصل ....😟😟

» يا قلبى
» أنا أسف يا قلبى
» لسه يا قلبى
» دموع من دم
» دموع المرأه