السلام عليكم ورحمة الله وبركاته
داخل بقول السلام أهو .....
مش داخل بقول هاي شله ولا باي وسي يو ولا ولا ..........
يعني رجاله ورجاله قوي كمان
هو إيه الموضوع مش عارف
تفاهه ، هيافه ، بواخه ، قلة زوق زى ما انت عايز تقول قول
مسلسل الاعلانات الساقطه دى هينتهي امتى .. ولا نعرف ؟
الشعب المصري شعب طيب وممكن نقول ... (( على نياته )) ...
الطيبه والفطره دى ربنا اللى خلقه بيها
وطبعا مفيش شغل والناس فاضيه
ودا الوتر الحساس اللى الناس الهايفه بتلعب عليه دايما
أل إيه ..... إسترجل ......... !!
هى الرجوله عندهم ليها معنى تانى غير اللى نعرفه ... ؟
أراهن لو كان حد يقول كدا يعرف معني الرجوله صح
الرجوله عمرها ما كانت كدا
الرجوله عمرها ما كانت إزازتين بيريل والسلام !!
الرجوله انك تبقي راجل
انك لما حد يتعامل معاك او يشوفك من اول نظره كدا
يقول الواد دا .... رااااااااجل ....
الرجوله ان يكون ليك شخصيتك الخاصه بيك
الرجولة يعنى موقف يعنى جدعنة
الرجولة انك تقف جمب الناس لمة تكون محتاجة ليك
الرجوله ان يكون ليك مواقف الناس تفتكرها لك
انك تكون راجل وعارف انت عايز ايه ؟
الرجوله إنك تقف مع الناس وتدي وما تستناش حاجه منهم
لأنك كسبت حب الناس واحترامهم
الرجولة افعال مش اعلانات
طيب دلوقت في حاجه
لو فى بنت كان نفسها تشرب بيريل
هايبقا شكلها اية وهى رايحة تجيبها ؟ بنت عايزة تسترجل
طيب ياتري هيطلع لها عضلات؟
ولا اصلا هو ممنوع يشتريها غير الرجالة
اسف قصدى الى عايزين يبقوا رجالة
الفكره ..
انهم لو كانوا عملوا الاعلان دا مره والسلام
كنا قولنا خلاص طلعت فى دماغهم وقالوا نهزر شويه
لكن متمادين فى الموضوع اكتر من 10 اعلانات
اى هبل فى الجبل ويقولك استرجل ..
يا جماعة الخير
هي الرجوله عندكم معناها ايه ؟؟
يمكن غير اللى احنا نعرفها واتربينا عليها
ثانياً إنتوا نسيتوا
الراجل مش بس بكلمته .. الراجل برعايته لبيته وأسرته
