أيوة أنت اللى هتصلح الكون..حمله أبدا بنفسك

بسم الله الرحمن الرحيم
ايوة انت اللى هتصلح الكون..حمله ابدا بنفسك

كلنا بنشتكى من سلبيات كتيرة فى مجتمعاتنا
وبنتهم ناس كتير بالتقصير والمسؤلية عن هذه السلبية
معع اننا احنا اللي بنعمل كل دة
مثلا
كلنا بنشتكى من عدم نظافة كثير من الشوارع
ولما حد يقولك بلاش ترمى ورق فى الشارع وخليها معاك لحد ماتلاقى اقرب صندوق للقمامة
الاجابة المعتادة دائما
يعنى هي جت عليا انا
هو انا اللى ورقتى هي اللى هتسوء شكل الشارع
ماهو مليان ورق كتير
هو انا يعنى اللى هصلح الكون
ما الكل بيعمل كدة

دة كان مثال بسيط
وفى معظم المواقف اللى بتقابلنا فى حياتنا
بيكون دة الرد المعتاد منا
وبنشتكى دايما من تقدم الغرب عنا وتأخر العرب
وننسى اننا السبب
لكن لازم وقفة!!
لازم كل واحد يغير من نفسه الاول
ولازم تبقى متأكد
أنك انت فعلا
اللى هتصلح الكون
ان الله لا يغير مابقوم حتى يُغيروا مابأنفسهم
انا حطيت الموضوع فى قسم الفضفضة
عشان تُتاح لنا فرصة أكبر للحوار والمناقشة
وفكرة الموضوع /
هي أن كل حد فينا
يكتبلنا برد بسيط جدا
عن اي صفة من الصفات
او سلوك من السلوكيات العامة
اللى لو كل واحد التزم بيها
هنبقى فعلا افضل امة عربية واسلامية
منتظرين منكم جميعا المشاركة معنا

نرجوا عند النقل ذكر المصدر
المصدر/منتديات هدهد

بسم الله الرحمن الرحيم
الابتسامة..
أسهل طريق للوصول لقلوب الناس
جرب تصحي الصبح بابتسامة
جرب تبتسم للبائع وانت بتشترى حاجة من المحل
خليك دايما مبتسم وانت بتتكلم مع الناس
ولما تقابلهم
ولما تكلم طفل صغير
حاول الاعتياد علي البسمة
حتى وإن لم تكن من القلب
فسوف تعتاد عليها دوما
وستجد أنك تبتسم حقا
من قلبك

تعرفى ياهدهد ان اكتر حاجة كانت بجد بتدايقنى ان ماما تقولى على حاجة وهى ماتعملهاش
او ناخد حاجة فى المدرسة مثلا فى القيم والاخلاق وبعد كدة الاقى المستر بيتريئ على الى فى الكتاب
لحد ماجالى تبلد وباقيت زى اى حد انقد وبس

والحاجة الى لازم كلنا نعملها هى اننا نراعى مشاعر غيرنا لو عايزنهم يراعوا مشاعرنا

ابدا بنفسك وقل يا عينى للناس اعين
واعلم ان كل منا مسئول عن عمله وما اقترفته يداه
فلا تزر وازره وزر اخرى
فاللهم اتوب اليك من زنوبى واسال كل من اقرفت فى حقه زنبا ان يغفرى قبل يوم العرض عليه
اللهم ان رحمتك وسعت كل شىء فلا تحرمنى منها

المسامحة
لو كل واحد سامح التاني
افتكر شكل الحياة هيبقي مختلف

و

بلاش الصوت العالي و الخناق علي اتفه الاسباب

و طول ما احنا ماشيين نسبح بحمد ربنا و نستغفر
ساعتها الواحد يلاقي نفسه هادي و مش بيتعصب لاتفه الاسباب و خصوصا سائقي التاكسي
و لو فكر يبص علي واحدة هيغض بصره

نفسنا مصر تبقي جميلة بس فعلا لازم كل واحد يبتدي بنفسه

لاتغضب يااخى فان الغضب يؤدى الى الخطا
وكن متعقلا فى جميع الامور

esra كتب:: تعرفى ياهدهد ان اكتر حاجة كانت بجد بتدايقنى ان ماما تقولى على حاجة وهى ماتعملهاش
او ناخد حاجة فى المدرسة مثلا فى القيم والاخلاق وبعد كدة الاقى المستر بيتريئ على الى فى الكتاب
لحد ماجالى تبلد وباقيت زى اى حد انقد وبس

والحاجة الى لازم كلنا نعملها هى اننا نراعى مشاعر غيرنا لو عايزنهم يراعوا مشاعرنا

لازم عشان الصغيرين ينفذوا اللى بيتقالوا
الكبار الاول يعملوا اللى بيؤمروا بيه

وعلي فكرة يااسراء
ردك دة فعلا فى ناس عملت بيه لما قريته

وانا فرحت لانى حسيت اننا عملنا حاجة فعلا

وان حد استفاد مننا
ولو حتى شخصية واحدة

وكما قال الحبيب صلى الله عليه وسلم
لأن يهدي الله بك رجلاً واحداً خير لك من حمر النعم

ashour20008 كتب:: ابدا بنفسك وقل يا عينى للناس اعين
واعلم ان كل منا مسئول عن عمله وما اقترفته يداه
فلا تزر وازره وزر اخرى
فاللهم اتوب اليك من زنوبى واسال كل من اقرفت فى حقه زنبا ان يغفرى قبل يوم العرض عليه
اللهم ان رحمتك وسعت كل شىء فلا تحرمنى منها

اللهم امين

شكرا لك عاشور
علي تواجدك معنا

كل عام وانت بخير

بنت أفندينا كتب:: المسامحة
لو كل واحد سامح التاني
افتكر شكل الحياة هيبقي مختلف

و

بلاش الصوت العالي و الخناق علي اتفه الاسباب

و طول ما احنا ماشيين نسبح بحمد ربنا و نستغفر
ساعتها الواحد يلاقي نفسه هادي و مش بيتعصب لاتفه الاسباب و خصوصا سائقي التاكسي
و لو فكر يبص علي واحدة هيغض بصره

نفسنا مصر تبقي جميلة بس فعلا لازم كل واحد يبتدي بنفسه

ياريت فعلا يحصل كدة

ومش هدفنا مصر بس
لا
هدفنا الامة الاسلامية كلها

اشتقنا لكِ بنت افندينا
لاتحرمينا من وجودك معنا

هنادى كتب:: لاتغضب يااخى فان الغضب يؤدى الى الخطا
وكن متعقلا فى جميع الامور

استخدام العقل يؤدى الى البعد عن الخطا

..وقرأت عن علاج للعضب..
وجدت ان من يغضب يقول

سبحان من سبقت رحمته غضبه
الى ان يهدا

شكرا لمساهمتك معنا

حسن الظن..

لاتسىء الظن بأحد
حتى ان طعنك من امامك ورأيته
أعِطه عذرا واعذارا
ولاتسمح بسوء التفكير به يصل إلى قلبك وعقلك
قل إنه علي صواب..
حتى وإن تيقنت أنه علي خطأ
سامحه..
ولاتُبقى فى قلبك هذه الطعنه
حتى لا تشوه صورته في ذاكرتك