انتصار19

موضوع: انتصار19 الأربعاء فبراير 25, 2015 4:42 am

وفى فيلا تنعم عن المستوى الراقى فى السادس من اكتوبر جلس شاكر منير مع ابنته هاجر فى حديث حاول الاب ان يبدو هادئا عاقلا
اسمعى يا هاجر الموضوع فعلا اكبر منك ومنى ..انتى رايحه قرب المطبخ السياسى ودا محدش حيسمح بيه..النهردة قدرت اعمل حاجه واطلعك قبل ما الحكايه تكبروتوصل لفوق.
فوق فين يا بابا ..الموضوع ابسط من كده..واحده ضربت جوزها بسكين مين بيحميها ومستعد يقتل طليقها وليه..انت مشفت يا بابا قد ايه الناس ديه ست بسيطه من وسط شعبى كل همهم لقمه العيش ملهمش دعوة باللى فوق..تفلكر حد يهتم من اللى بتقول عليهم ان كان دول عايشين ولا ميتين ولا حتى بغوروا فى داهيه
هاجر ايه الاسلوب ده كملى عدل احنا مش بنتخانق
اسفه يا بابا انت لو شفت حسين انسان مسالم وديع حنون عارف ربنا عايش بوم بيوم كلمه الحمد لله مش بتفارق لسانه.ملهوش اطماع غير انه يربى ولاده.
انتى ممكن تساعديه تديله ميلغ من المال وينتهى الموضوع
تفتكر انهم حيسبوه فى حاله دا مخلف ولدين من زوجته
بابا انت لسه فاكر ان تدخلك هو اللى حل الموضوع
طبعا
للاسف انا اكتشفت ان الاخطبوط متعمق فى كل مكان..الاهم عنده انه بحافظ على جسده وزراعه قبل ما بسمح بالتنازل عن ارض تحت ايده .رجالته غاليين عليه
انتى حتتفلسفى على ابوكى وضحى عابزة تقولى ايه
الموضوع ببساطه انى لحظت ان الكل متراقب مننا حتى الموبيلات الجديده اللى اشترتها انا وساميه اخت حسين اكتشفت ان كل حاجه مش طبييعيه..كان لازم احاول مع الطرف الاخر..ساميه كانت قالت كلمه على حما حسين وفهمت انه راجل بيخاف رينا بس ملهوش سيطرة على ولاده فقلت اعمل محاوله معاه واتصلت بيه شرحتله الموضوع وان حسين حياته فى خطر ولازم يعمل العمليه وطلبت منه يتدخل باى مساعده يقدر يعملها ..قلتله با حاج خضر انت راجل تعرف ربنا ورقبه حسبن امانه فى عنقك يوم الدين..دلوقتى احنا هنعمل العمليه بس محتاجين لو حد حاول يعملنا حاجه انكم تكونوا فى ضهرنا..دا اللى بينكم عيال ودم ورحم مفيش داعى لاكتر من كده
الراجل واضح انه طيب قوى.قالى يا بنتى انتى عارفه ان دولت بنتى دى لو كانت غريبه مكنتش سكت بس مفيش اب بيسجن بنته
قلتله انا مش بدور على بنتك انا كل اللى بطلبه منك انقاذ ابو ولادها..مش بعيد يهجموا علينا فى اى لحظه
كان جوابه انا مش عارف ااقدر اعمل ايه بس اوعدك انى احاول مع اخواتها
وعرفتى حصل ايه
طبعا انت تفتكر بنتك تسكت
يعد ما الكل مامشى الدكتور زهدى كان منهار على الاخر وقال ادى جزاء اللى بيعمل معروف فى البلد..وقعد يسب ويلعن فيها وطبعا محدش قادر يلومه ومكنشى نقدر نسيبه فى العياده
انا مش فاهم انتى عملتى ايه
اتصلت بالحاج خضر وشرحتله الموقف قالى يا بنتى انا كلمت ولادى من ورا دولت طبعا وقلتلهم ان حسين خلاص بعيد عنها انتم عايزين ايه منه سيبوه فى حاله هو وولاده
ابنى سيد قالى طول البنت ديه ما بعيدة عن ولادها حتقول عيزاهم او على الاقل عايزة تشوفهم..احسن حاجه تجوز
وعرض عليا المعلم خميس اللى عمرى ما كنت اوافق قبل كده عليه.بس وربك يشهد انا قلت خليها تعرف زمن خمبس من حسين الامير السكرة.وقلت لولادى انا موافق يشرط اشوف حالا نتيجه ومحدش يقرب من حسين
وبالفعل يا بنتى اتصل سيد بخمبس وكلموا قدامى راجل كبير قوى وطلبوا منه التدخل ووعدوه ان حسين حبختفى بعد كدا وان العيال امهم حتنساهم وتنسى ايام ابوهم السوده
يااااااه قالها شاكر بحرقه وهو يتنهد ايه اللى بيحصل فى البلد دا كان ممكن يختفى ورا الشمس ومحدش يحس بيه
انتى لازم تبعدى عن الموضوع خالص اقفلى باب الشر اللى اتفتح ده
بابا انت ترضى بالظلم ترضى ان حاجه زى كده تحصل لاحمد اخويا او ليا اكيد مكنتش سكت وكنت حتعمل كل اللى تقدر عليه.احنا دلوقتى فعلا مش حنفتح اى موضوع خلى ذرات الجمر مشتعله تحت الرماد فى يوم اكيد حتيجى ريح تنفض الغبار عن الجمر وتشعل الفتيل.لما يجى امر الله حيقتلك الاخطبوط من جذوره ومش حيلاقى ارض يسند عليها
وضحى عايزة تقولى ايه
تعال نبعد حسين من مصرهو بجد انسان محترم ممكن يمسك محل لانجرى فى دبى بتاعك ..دا تاجر ومحاسب شاطر وانا اضمنه برقبتى
فى ايه هاجر..وبعدين ازاى دا هيخرج من مصر؟؟؟؟؟؟؟

يتبع

موضوع: رد: انتصار19 الأربعاء فبراير 25, 2015 10:57 pm

هو خميس بيشتغل ايه بالظبط شكرا لمجهودك الرائع