انتصار33

موضوع: انتصار33 الخميس مارس 12, 2015 3:35 pm

واستطرد شاكر بيه طبعا انت عارف سبب زيارتى
يا عمى البيت بيتك وانت صاحب واجب..انت تؤمر
الموضوع عمره ما كان امر..انا بشترى راجل لبنتى ولو شايف انك رافض الموضوع لاسباب جوهريه كنت طلبت من بنتى تبعد.
اللى تشوفه بس هاجر دلوقتى حاسه ان كرامتها انجرحت وجوها شرخ خايف تقول انى وافقت تحت ضغط منك
كدا حتخلينى اقول عليك خايب ورينى شطارتك الموضوع فى ايدك عايز من بكرة اسمع اخبار سارة
ودخلت سامبه تستأذن بطرقات خفيفه: اهلا شاكر بيه تحب تشرب ايه
مغيش لزوم انا ماشى على طول
عيب دى اول مرة تدخل عندنا ..دنا ليا طلب عندك وياريت تقبله
خير يا بنتى
بكرة فى عزومه صغيرة للتعارف بين فياض خطيبى وحسين وانا كلمت فياض قلتله هاجر وشاكر بيه دول اهلنا اللى فى مصر فياريت تقبل العزومه وهى فرصه لحسين وهاجر لازاحه جبال التلج بينهم
فين العزومه يا ست الكل
فى فندق الفردوس قريب من الشركه
انتى كده حتخلينى الغى نعاقداتى مع الموردين بس ولا بهمك كله يتأجل عشان خاطر عيونك
مرسى يا عمى وعلى فكرة متشلش هم هاجر هى وافقت تيجى
انتى حليتى اكبر مشكله كنت بفكر فيها
وتدخل الاب كده فأل خير دا حسبن كان مزرجن حبتين فى الموضوع ده
بكرة نقرا كلنا الفاتحه ومين عارف قريب نقراها لهاجر
وعم البشر الموجدبن وقدمت زجاجات البيبسى مع فطع الجاتوهات..وابتسم حسين فى صمت فضحته عيناه
.........
وفى صباح اليوم التالى كان الحزن يخيم على منزل الحاج خضربينما جلس سيد وخمبس صامتين تدور عيونهم فى ارجاء الشقه يكتشفان التبديل الذى طالها
وصاح خضر:هو ايه اللى بيحصل انا عملت ايه فى دنيتى
وردت دولت:كل شىء يتصلح يا بابا وليها حل انشاء الله
دا طلقها يا بنتى
انت بتتكلم عن ايه يا حاج
وبضحكه حملت كل معانى الاستهزاء:رجب طلق اختك يا دولت امبارح..النهرده الصبح كلمنى قالى اللى انتم عايزينه حينفذه..انا جايبكم عشان كده ولا فاكرنى غاوى اصطبح بيكم
ورد خميس:لا فكرينك عرفت موضوع خالد
ماله خالد هو مجاش معاكم ليه..مش قلتلك يا دولت اتصلى باخواتك
ورد محسن:خالد ياحاج اتمسك اميارح بالليل فى سينا
اتمسك يعنى ايه
وردت امال:كان راجع ومعاه طن بانجو وحصلت اخباريه عليه
يتقولى ايه ابنى بيتاجر فى البانجو..هو فى ايه يارب..ااااااااااااه اااااااااااااااااه مش قادر عايز ..هو ..وسقط خضر على الارض لينهض الكل اليه وتأتى نادبه مسرعه من الداخل على صرخات الفزع: انتم عملتم ايه فى خضر
بسرعه حد بجيب دكتور
يالا يا سيد هاته مع محسن ننقله مسنشفى الزهور
وجلس الكل محبط خلف حجره الكشف بينما اتت انتصار تهرول الى الداخل صارخه ابوياااااااااااااا
وماتت الكلمات على شفاه الحاضرين فقد وقعت صرخات الابنه مع خروج الطبيب يعلن وفاه الاب اليهم
وصرخت دولت قتلتم ابويا
واجهشت امال وانتصار بالبكاء
واكتسى وجه انتصار بتعبير لا يفهم مغزاه..اترى ان والدها كان العقبه امامها وان الطريق قد فتح على مسرعيه الان
لكن لفحه الحزن انستها ان تعيد التفكير
اما ناديه فقد احست انها تودع حياه الاستقرار التى ارتضتها مع الكهل العجوز
لكن توالت المفاحات

يتبع

موضوع: رد: انتصار33 السبت مارس 14, 2015 9:13 pm

لا اله الاالله حسيبى الله
تسلم لرائع كتابتك