انتصار37

موضوع: انتصار37 الإثنين مارس 16, 2015 4:44 am

اصحى يا حسين كفايه نوم
وفتح حسين عيناه وهو يبتسم لهاجر ..سهرة امبارح كانت حلوة قوى..خلينى شويه فى السريراكمل حلمى
ولفت هاجر زراعها حول رقبته وهى تدنو اليه انت عايز تحلم بغيرى فى شهر العسل.
لا والله انا بحلم بيكى انتى
الاصل قدامك تحلم ليه..قوم بقا عايزين نتفرج على شوارع باريس ونشوف شغل هنا
انتى مش حتنسى محلات اللانجرى حتى هنا
منتا عارف باريس ام الموضه من هنا نقدر نحقق اكبر نجاح ونسبق السوق
بقيتى شاطرة..يتخاف منك مش عليكى
اخص عليك هبقى شاطرة على جوزى حبيبى..اقوم نفطر وننزل نتفرج فى الشانزليزيه
طب قربى كده امسكى ايدى شدينى ااقوم..ومدت اليه يدها فجذبها الى الفراش..لا يا حسين كفايه بقا انت مبتتعبشى
دى وصيه بابا نتفرج ونجيب اللى بعجبنا
والتقت الشفاه ..بابا با...وكانت تذوب معه لا تقوى على الكلام واستجابت الانثى للقاء زوجها فانصهرت معه فى عشق وغرام.وتراخت المقاومه المصطنعه وتلاشت الكلمات على الشفاه..حسين نفطر بقا
لكنه كان مازال ينهل بشفتاه من حمرة خدودها..ولحن حبها..
بحبك قوى هاجر نفسى تدوم سعادتى معاكى..انتى نور قلبى وروحى..ياااه انا معرفتش الحياه الا لما اجوزتك
دنا كنت مغفل كبير..كنت هخسر روحى وسعادتى وافضل فى الهم ..مش عارف اعبر عن مشاعرى معاكى
نعم مش عارف ايه..هو فى اجمل ولا ارق منك ولا من كلماتك دا انا اللى كسبت حبيب وزوج واخ
حسين اطلب الفطار فى الاوضه ناخد شور وننزل
فعاد يدنو منها بموت فيكى نفسى افضل باصص فى عيونك واسيح فى بحورها واطوف بين رموشك وادخل جوه قلبك
انت لسه هتدخل هههههههه انت جوه من بدرى..دنتا حياتى واغلى هديه ربنا بعتهالى..بحبك بس خلص بقا
كل يوم بنتاخر احنا لو فضلنا على كده فى ديى بابا هيبعتلنا استمارة سته
متشغليش بالك قوى كدة ...لحظات السعادة والحب مبتتعوضشى خلينا نعشها وبكره لما نرجع اكيد حنفرق بين الشغل والجد وبين الحب
تفتكر انا لو معاك مش حقدر انسى حبك فى اى لحظه..حفضل احبك فى اى مكان نكون فيه
استنى يا حسين ياااه ازاى مختش بالى
فى ايه الشمعه اللى ولعتها امبارح خلصت بص انصهرت ازاى
خليها تكمل باقى شغلتها وتنطفى لوحدها وعاد يجذبها من جديد اليه
انت محنون ابعد بقا
ومضت الايام وتلاحقت الاسابيع والسعادة ترفرف على الزوجين ينهالان من خمر الحب وجنونه ويرتشفان من ينبوع الحنان والاحترام ما يلذا لهما من بستان الحياه
حتى كان يوم اتصل مدير مدرسه السلام بحسين
ممكن تشرفنى سعادتك
خير ولادى عملوا حاجه
الامر بسيط ما داعى للقلق بدى اقولك ان فى خطاب موجه لخالد وصلنا من مصر ممهور بتوقيع امكم دولت
حبيت تطلع عليه نحن ما نسلم اطفال خطابات الا بعلم ذويهم
شاكر اهتمامك فى الحال بكون عندك
وفى المساء جلس الاب الى ابنائه: عايز تفسير لتصرفكم
بابا جدو خضر توفى الله يرحمه ما قدرنا نسكت وحبينا نشارك ماما فى حزنها
كيف عرفتم؟
الاهرام نشرت الخبر فى صفحه الوفيات وما حبينا نضايقك
بابا انت زعلان مننا
ونظر الاب بعيون الرحمه الى ابناءه اليست دولت امهم..كيف يتكر الوصيه بهذه الام وما اقترفت ذتبا بحقهم
ولكنها ياالهى لم تهتم يوما بتتبع اخبارهم...لالا ريما حاولت لم تدرى ..والان تبكى فراقهم..دع الايام تكشف ما ينتظرنا
بابا بابا رد علينا انت زعلت
لا يا حبيبى دى برضه ماما واكيد بتحبكم .ادخلو كملوا دروسكم
وجلس الزوج لزوجته
مالك حسين شكلك مشغول ومهموم
ابدا مفيش
عينى فى عينك كدا
ببنعمه ضيق : بعدين بقا يا حبيبتى
واحس بمتضاع وجهها: اسف مكنتش اقصد
حسين اللى بيشغلك اكيد بيشغلنى .اشركنى فى كل صغبرة فى حياتك خلى حياتنا مبنيه على الصراحه..انا مش بس زوجتك دنا صديقتك واختك يعنى انسى كل اللى تعبك معاى
وقدم حسين صحيفه الاهرام الى زوجته: اتفضلى
دى جريدة قديمه جيتها من فين
من ابنى خالد افتحيها اخر صفحه
تقصد صفحه الوفيات
ايوه بصى فى المريع الثالث وكم التعازى
استنى استنى ايه ده
فى ايه
معقول كدا الموضوع يفيدنا قوى
بتقولى ايه يفيد مين انا مش فاهم..انت مخبيه ايه عنى وهى ديه الصراحه اللى لسه مكلمانى عنها
ابدا الموضع بسيط ورمت راسها الى كتفه فى دلال ليداعب شعرها وجهه..دى مغلومات كان لازم تاخد بالك منها
بص مين باعت التعازى
مبن دول
دا اللواء عدلى مخابرات عامه وكان ماسك فى امن الدوله
وده با استاذ حسين الرائد عصام امن دوله واللى عمل القضيه وحبكها ليك
تقصدى ايه

انتظروا الحلقه الاخيرة

موضوع: رد: انتصار37 الثلاثاء مارس 17, 2015 4:13 pm

دا اللواء عدلى مخابرات عامه وكان ماسك فى امن الدوله
وده با استاذ حسين الرائد عصام امن دوله
واللى عمل القضبه وحبكها ليك
تقصدى ايه....................انتظروا الحلقه الاخير
الحلقه جميله جدا مستنين الحلقه الاخيره ان شاء الله تبقى النهايه جميله وكل واحد ياخد جزاء ه
شكرا لكتباتك الرائعه