الشتيمه ...!!!
كان زمان لما حد يشتم حد بالام او الاب .. يالهوى تقوم الدنيا ومتقعدش (( كان ف ازمة كراسى بقى )) ويحصل خناقات
وقد تصل لمطاوى والسلاح زى ماحنا عارفين عادة بيطول .. وينتهى الفيلم ده بواحد ف المستشفى وواحد ف القسم وتنزل النهايه
والظاهر مع تغيير مواصفات السينما الحديثه اتغير الفيلم ده ؟؟؟!!
سامح :: متيلا ياله نخرج بعد القعده المنيلة دى.......مروان :: مالها القعده ياابن الــ .........
سامح :: ده ..... انت ياله ....
وقد يتصور البعض ممن لسه عايشن ف القرن الماضى باخلاقياته الجميله بان الحوار ده هينتهى بالاتنين مقطعين بعض
فلاش بــاك ع المشهد تانى
مروان :: ماشى ياابن ............ الله يرحم ابوك كان ... يلا نخرج
سامح :: يلا يامان هههههههههههههههههههههههههههههههه
احلى نهايه الصراحه يعنى هههههههههههههههههههههههههههه يااخى هـــع منك له بقى
.................................................. ............
ايه ده بجد حد يفهمنى طيب ده ازاى يعنى .. ده امك وده ابوك .. عايزين تشتموا اشتموا بعض يعنى اولعوا انتو الاتنين بجاز لكن امك وابوك وتنتهى .. بهههههههههههههههههههههههه
لا يبقى ف حاجه غلط .. سورى يعنى
.................................................. ..........
مها :: اسكتى اما البت نهى شفتها امبارح مع طارق ف الكافيه .. بنت .......كانت مظبطه
مى:: شوف البت بنت ............ اول موقعت ف طارق لزقتله يابنتى
مها :: الله يرحم ماجد يابت اللى يسمعك ميسمعش ايام مكنتى ... يابنت..........
مى:: انا يابنت ............ .. اومال انتى بقى مع الواد زيزو كنتوا ايه .. خلى الواحد ساكت احسن
.................................................. .......
اه والنبى ياست مى اسكتى احسن وحياة ابوكى ياشيخه ..
طبعا بكده .. عرفنا ان الظاهره انتشرت ف البنات كمان بس بالفاظ اقل حده يعنى
بنت ......... .. بنت .......... .. بنت اللئيمه .. بنت ...... .. الــخ
الترتيب المنظقى للظاهره ..
ف البدايه انتشرت الظاهره بين الشباب بينهم وبين بعضيهم يعنى
ثم وبقدرة قادر بقت موجوده ف الاماكن العام
مش صعب انك تلاقى خمس شباب ف سكشن ف تالته طب فاتحين حوار ونصه كلام من ده
ثم انتشرت الظاهره بسرعه غريبه للبنات بينهم وبين بعضيهم
ثم بقت بين البنات ف الاماكن العامه عادى
فمن المحتمل جدا انك تلاقى تلات بنات قاعدين ف كافيه ومديينها كلام من ده
.
.
حاليا بقى .. بقت بين البنات والولاد هع
فمن الطبيعى جدا دلوقت انك تبقى قاعد ف النادى باحترامك وتسمع جروب ولاد وبنات زى العسل كده
احمد يشتم جيجى .. منى ......... لمحمود .. معرفش مين يلعن ابو مين
عـــــــــــــــــــــــــــــــــــــــادى والله
لا مش عادى بقى ... كفايه .. كفايه بجد
اه نسيت اوضح ان الشتايم للاب والام قد تتعدى لشتايم انا مش ممكن حتى اشير ليها من بعيد .. مش بس اوصفها او اكتب مكانها نقط لا
بص بقى ياعم ...
من ناحية الدين طبعا حرام ده اكيد .. سب الدين اللى بقى ع لسان الرفيع قبل التخين ... وقذف الاهل بكلام ف القانون يعتبر سب وقذف
يعنى لو قلبت بجد بينك وبين صاحبك ف يوم وقفش عليك وراح قدم محضر هتتجرجر ياحلو ف قضية سب وقذف ع طول
بس القانون لسه محدش ادالوا خبر باللى بيحصل ده ... علشان يتلغى بقى السب والقذف ده مهو خلاص بقت عادى
اشته جدا ... ده دينيا وقانونيا
طب واجتماعيا .... انت بتاثر ف اللى جنبك واللى جنبك بيعلم اللى جنبه
وباذن الله 5 سنين وهنبقى شعب .. بيتباهى بالشتيمه لووووووووووول
مش هكدب ولا هقول انى متعلمتش من الكلام ده لا طبعا انا مش ملاك ولا نازله م السما
بقول برده بس مبقلش بالطريقه ده ..
والله ومعرفش بقيت بقول ازاى .. بس اهو الكلمه الوحيده اللى بقلها ياهايفه هههههههه مش يابنت ............
افتكر ف مره اول مظهرت وتفشت كلمة ياواتيه عندنا ف اوساط البنات فواحده صاحبتي بتحكي لمامتها بتقولها ده البت سمر
عملت معاانا النهارده حركه واتيه .............
طبعا مش هقول انها اتغسلت واتنشرت واتظبطت عليها الصراحه ومقدرتش تقنع ماما ابدا ان ده كلمه مش
معناها وحش لا عاديه يعنى حركه قرعه نص كوم كده ...
بس ع مين مجبتش نتيجه .. واتحرمت م ... لا مش م الاكل يعنى ههههههه اتحرمت م حاجه تانيه
مامتها عملت فيها كده لما سمعت منى كلمة واتيه ... مش هقلكم عملت فيها ايه بقى لما ف مره
مامتها بتقلها حاجه فقالتلها ياراجل ... هـــع والحمدالله من يومها طبعا لا بقى فيه واتيه ولا هايفه حتى
اومال بقى الامهات اللى عمالين يتشتموا .. ف شرفهم والابهات واللى واللى دول لو سمعوا الكلام اللى
بيقوله ولادهم عليهم هيحصل ايه حتى لو ع سبييل الهزار بينهم وبين بعض
انتهينا ان الكلمات ده انتشرت ف المجتمع اسرع م انتشار السرطان ف الجسم
البنات بقت بتقول والاولاد بقت بتقول ... واللى اخره ياواتيه هههههههه
بس انا مضمنش العالم اللى اخرهم ياواتيه ده مهو برده بعد مكانت واطيه يعنى شتيمه وحشه جدا .. بقت
ياواتيه ومعناها عادى
مش بعيد كمان شهر برده كلمه زيها يتبدل فيها حرف وتبقى عادى برده .. مهو محدش ضامن يعنى
سيبك انك بتجرح اهلك بكلام
ياعم انت بتجرح اللى حواليك بالكلام ده . :iiiu: . ماشى صحابك اللى ف الشله متعوديين ع الكلام ده ... البنات
اللى واقفين معاك عادى بالنسبالهم الكلام ده اشته جدا
لكن لسه ف اولاد مش حابين يسمعوا الكلام ده .. وف بنات ااقل وصف ان فعلا بيجرحهم جدا الكلام ده
يعنى باذنك يارب .. هتاخد ذنب الناس اللى بتشتم فيهم ف غيابهم حتى لو ابنهم الراجل الطول بعرض ده
موافق ع الكلام
وهتاخد ذنب كل الناس اللى حواليك وبتأذيهم بكلامك ده ... يعنى اى خروجه هتخرجها يابطل شوف هتقول
فيها كام كلمه وهتاخد عليها كام ذنب
وان شالله محد حوش :lol!:
الموضوع ده لاهو زى الحشيش اللى هيدمر عقول ... ولا هو زى هوس الفنانين اللى هيدمر اسره
لا ده هيدمر ذوق مجتمع .. ومش هنبقى بعد كده عارفين ايه الجميل وايه الوحش ايه الصح وايه الغلط
مهو كله عادى .. صبح صبح ياعم
ومبقاش لينا الحق نستغرب ع بحبك ياحمار ومش بعيد الصيف الجاى تبقى اشهر اغنيه عاطفيه ف السوق اسمها
بحبك يابنت .. .. ده انتى اللى جوا القلب .. لوول
بس انا عايزه اسال سؤال فصيح شويه ...
افرض اللى قدامك فعلا يقصد الشتيمه اللى بيقولها ع اهلك ... انت
هتعرف من فين اذ كان ده هزار عادى ولا بجد
مش بقلكم مش هنبقى عارفين ايه الجميل وايه الوحش
نور النور هنا بقى لو سمحت ...!!
بتقولوا الكلام ده ليه ؟؟ شايفينه بيدل ع الروشنه التكته والطأطه والطرئعه وما الى ذلك من كلام انا مش فهماله معنى اصلا
ازاى تقبل ع اهلك يتقال عليهم كلام زى ده .. حتى لو ع سبيل الهزار زى ماقلنا .. ايه يااخى ده كانت خلفت خروف افيد والله .. فين الدم فين النخوه
فيـن فيـن فيـن
ذهبوا مع الريح..!!
ولا ذهبوا مع العولمه ..!! ولا مع الروشنه ..!!
ولا ده اولى تنازلات الزمن القادم ..!!
وسلملى ع المبادىء ..!! مش كده ولا ايه ..!!
رجاء المشاركه وقول انت شايف الظاهره ده ازاى ..