اختلفنا بكل شي الا الفراق
ياللاسف كان إتفاق....!!!
بعد العمر...بعد السنين
بعد الحب ...وبعد الحنين..~
بعد الوله والاشتياق
كان الفراق....
هو الاتفاق
سؤال حاير بالفكر ليش اتفقنا على العناء ؟؟؟؟
منهو على الفرقا مصر
انتي عنيده......او انا!!!
ليش اختلفنا نتفق؟؟؟
ليش اتفقنا نفترق؟؟؟
ليش النهايه تبتدي ؟؟؟
ونصفي على حبر و ورق!!!
ياللأسف ....مر الفراق ..~
كان اتفاق ..!!!
عشان حبايب نختلف .....
دايم نكابر للأسف......
ما نعترف. . .~
نهوى بعض ..فوق الخيال..~
بس نختلف . . .~
كانت بدايتنا خلاف ,,صدفه
تلاقينا بمكان
نشكي من الحب الجفاف كنا في حاجه للحنان
فينا العزم . . لكن نخاف
حيث الزمن ما به امان
وانا ااخاف
وانا ااخاف
هذي بدايه حبنا
تصوروا . . كان الخلاف
منهو اللي فينا ما يخاف !!!
قلت : اشرحي لي قصتك . . .
ودي بتفصيل ممل. .
يمكن على كثر الجروح
بس جرح وااحد يندمل
قالت: حكايتها. . امل
مره تحقق واختفى
شخص وعدها وما وفاء. . .
قلت: اصبري . .
قصدك انا ؟؟؟
قالت: تقاطعني بعد ؟؟؟
ودك بتفصيل ممل ؟؟؟
خلني اقول . . .
خل الفضول . .
لاحق على دورك يجيك
قلت : اكتفي بكلمة خلاص
دام اني ما صنت الوعود
وضيعت في عينيك امل . .
ما ظن جرحك يندمل
قالت لي : غير كلمتك . .
مليت من نفس الكلام . .
مليت من كثر الملام. . !!
وين الغرام ؟
وين الهيام ؟
وين الوعود بفرحه تسهر ما تنام ؟
قلت : يلا نتفق
ونرسي على بر الامان
نرجع الى نفس المكان
اللي تلاقينا زمان
ويكون اول اتفاق
وصدقيني آخر اتفاق
يرضيك ويرضيني الفراق
رغم انه ما باقي أمل
والجرح ما ظن يندمل
لكن فراق قلوبنا
على الاقل كان اتفاق
