ashour20008
مشرف قسم
المشـاركات : 1323
مـزاجى : 
مـهنتى : 
هـوايتـي : 
الأوسمـة : 
تاريخ التسجيل : 02/09/2008
الساعة :
 | | موضوع: موعد مع المليون3 الجمعة مارس 27, 2015 6:16 am | |
| نزل طارق من القطار يلتفت يمبنا ويسارا ..المحطه فى مكان مكتظ بالعشوائيات من الخلف قريب من عربيات نقل تحمل الرمال وتنتظر الزيائن ومن الامام تجد مساكن تنم عن قدمها ظن فى البدايه ان تلك هى المحطه الرئيسه فهبط دون ان يجد رصيفا ..تبعه اناس كثير..وانتبه الى صوت خلفه يا استاذ يا استاذ والتفت الى مصدر الصوت ايوه انت يا خويا..نعم يا ستى
ممكن يا خويا تحملنى الشيله ديه.وانحنى ارضا وانحنت المرأة وكم وجد صعوبه فى رفع الاناء الذى تحمله المراة فوق راسها...ناونى اللفه اللى فى الارض..
هو انتى لسه حتشيلى حاجه تانى
اعمل ايه يا بنى اكل العيش مر
قال وهو يناولها بؤجه ملقاه على الارض: فين جوزك
الله يرحمه مات وسبلى كوم لحم..والنبى ترفع للبنت دى القفصين دول
طب استغفرى ربك
ليه يابنى وهو انا عملت ذنب
يا ستى من حلف بغير الله اشرك عايزة تقولى حاجه فولى وربنا والله كمان افضل انك مدخليش الحلفان فى البيع والشراء بتاعك..
والنبى شكلك متتنور
تانى برضه مش حتخلصى
ضحكت المراة وابنتها الصغيرة: اللسان وما اتعود يابنى بس اوعدك احاول
عايزين نلحق السوق ارفع على نجلاء قفصين الطيور دول
وانحنى يرفع على الطفله الاقفاص: عندك كم سنه يا نجلاء
اتناشر يا استاذ انا طالعه من سته
قاطعا الصمت فى الكلام : انا اكبر منك بعشر سنين
ونازل السويس ليه بقا
بدور على شغل
ربنا يسهلك ومدت يدها اليه بقطعه جبن قريش : خد تلاقيك لسه على لحم بطنك
من يد مانعدمها..
خد الرغيف دا والله من خبيز ايدى بنبيعه فى السوق بس واضح انك ابن حلال وملطشه معاك زينا
ربك كبير
على فكرة فى معصرة فى سوق الانصارى لوحبيت تشتغل فيها قول لصاحبها انك جيله من طرف ام نجلاء
يالا اسيبك لاكل العيش يا بنى وهمت ان تخطو اولى خطواتها بحملها: بت يا نجلاء ناولى عم صابر رغيف وحتتين جبنه
والتفت طارق حيث اشارت ام نجلاء فاذا عيناه تقع على هذا المتسول العجوز تقودة امراه قد تجاوزت الخمسين من عمرها منهوكه القوى
هو دا بستاهل الصدقه
يابنى دى ارزاق وربنا مقسمها
بس دا واخد التسول تجارة
هو ادرى بعباده والمستخبى اكتر..دع الملك للمالك
وصار طارق يتمتم بكلمات مبهمه:التسيب دا هو اللى خارب البلد كل واحد ملهوش دعوة..طب انا فضيلك النهردة يا صابر وحشوف حتعمل ايه..طب لو الراجل دا بيشيل كل يوم ميت جنيه فى عشر سنين دا اكيد معاه ثروة محدش يقدر يوفرها
اه لو استولى عليها ..فكرة اقتله واخد المال اللى عنده بس الاول اراقبه من بعيد لبعيد
واختمرت الفكرة برأس طارق : اريح المجتمع من متسول واسدد ديونى واعيش بقا واجوز ولا حرام نقب فوق ونطلع من القمقم...
كان الشيطان يتلاعب بعقل طارق وهو يتابع خطوات صابر ومن معه يكاد بحصى كل جنيه يدخل فى جيبه..يراه مرة يعدو الى البنوك فيقتحمها فيدخل خلفه يتابع ما يفعل ويشغل تفسه يالسؤال غن الودائع او القروض بينما عيناه تلتهم صابر
هاهو يقدم اوراق وروشتات للساعى..ما يلبث الساعى ان يفرد منديله ويطوف على الموظفين والاخر يقف جوار الباب ينتظر الحصيله
ربنا يعمر بيوتكم ويديكم ما يحرمكم ويسترها دنيا واخرة معاكم ويتناوب الحصيله من يد الساعى
وظل طارق ساعات يلف خلف الرجل والمراه حتى ادركه التعب ..وقال يحدث نفسه : ازاى بتلف طول اليوم ياصابر
وعشان ايه..الراجل ده رغم ثيابه الرثه وكبر سنه منظرة لا يوحى انه فقير
بتقول ايه ازاى مش فقير..
لا فقير
طب لو مش فقير بيتسول ليه
كان الصراع الداخلى قد اشتد بطارق وهو يتبع خطوات المتسول الى سوق الانصارى دون ان يدرى
ووقف المتسول امام المعصرة ودنا طارق من جديد محدثا نفسه وقد ارتفغ الازان لصلاة الظهر بجامع عمر بن الخطاب
فرصه
واقترب من رجل لف عمامه فوق راسه يرتدى جلباب واسع: انا جى من طرف ام نجلاء
وعيناه تتابع عم صابروهو يتناول كوب عصير قدمه صاحب المعصرة اليه
ونظر صاحب المعصرة لطارق : من فين انت
من الاسماعيليه
وايه رماك على هنا
اكل العيش يا معلم
كلها بلاد ربنا وليه مدورتش فى بلدك
الفكره يا معلم انى عايز اى شغل دلوقتى اشوف بيه حالى
نجربك ونشوف..تعرف تقشر قصب وتنضفه
احاول يا معلم
بقولك ايه شكلك ابن ناس
اشتغل فى العصر..قدامك كوبايه شوب بتنين جنيه والوسط بجنيه ونص والصغيرة بجنيه
تستلم الورديه من تسعه الصبح لحد سته المغرب او من المغرب لحد اتناشر او حسب السوق
تحب امتى ولا اقولك انا بالفعل محتاج ورديه اخر النهار
طب ممكن انام فى المحل..واهو الصبح ادخل الجامع
وماله يا بنى بس المهم الامانه والشرف دول رأس مال ابن السوق
اكيد يا معلم
بتصلى ولا لاء
طبعا بصلى طب يلا نصلىى وتجيلى من خمسه تستلم ورديتك
وتقدم المعلم خارجا من الدكان مشيرا الى عامل العصير حاسب انت لحد ما نصلى ونرجع
وما ان خرج من المحل حتى نظر الى طارق قائلا: انت تعرف عم صابر
يتبع
عدل سابقا من قبل ashour20008 في الإثنين مارس 30, 2015 5:21 am عدل 1 مرات | |
|
hodhod
المديرة
المشـاركات : 6811
العمر : 30
مـزاجى : 
بـلدى : 
مـهنتى : 
هـوايتـي : 
الأوسمـة : 
تاريخ التسجيل : 01/05/2008
دعـاء : 
الساعة :
| | موضوع: رد: موعد مع المليون3 السبت مارس 28, 2015 5:27 pm | |
| شكل عم صابر هيطلع مليونير ![هـ]هـ]](/users/1814/18/61/34/smiles/978380.gif) بإنتظارك..لاتتأخر علينا | |
|
validhowk
هدهد جديد
المشـاركات : 9
مـزاجى : 
بـلدى :
مـهنتى : 
هـوايتـي : 
تاريخ التسجيل : 03/06/2015
دعـاء : 
الساعة :
| | موضوع: رد: موعد مع المليون3 الأربعاء يونيو 03, 2015 7:30 pm | |
| | |
|
validhowk
هدهد جديد
المشـاركات : 9
مـزاجى :
بـلدى :
مـهنتى :
هـوايتـي :
تاريخ التسجيل : 03/06/2015
دعـاء :
الساعة :
| | موضوع: رد: موعد مع المليون3 الأربعاء يونيو 03, 2015 7:32 pm | |
| بس هو فى حد دلوقتى لما يجى يشغل حد بيسأله انت بتصلى | |
|
