موعد مع المليون6

كانت الليالى تمضى اصعب ما تكون على الفتى يتوسط فى الليالى الياردة ركنا من اركان المعصرة يلتحف فيها ببطانيه باليه
جاد بها صاحب المعصرة عليه مع اخرى يضعها اسفل منه واستمر الحاج رضوان يغلق الباب الصاج على الفتى ليلا
ثم ما لبث ان استشعر الحرج من ذلك وهويرى فى الفتى نموذج من الامانه والوفاء لم بالفه فيمن قبله فتعمد ان يترك امر الغلق للفتى ويرحل قبله ببضع ساعات..فساله بوما طارق انك لم تعد تغلق الباب وترحل مبكرا
فعلا يا بنى اللى ما يعرفك يجهلك..وانا شايف منك همه ونشاط بتسهر شويه وهو كله برزقه وبعدين حقفل الباب عليك ليه
جايز تفتح بدرى تطلع تجيب فطار تروح المسجد الفجركدا افضل وانا معايا نسخه تانيه من المفاتيح
بس جايز سامى يزعل؟
يزعل ليه
انا احدث منه والمفاتيح معاى ومتكنشى معاة
يابنى هو بيجى الصبح بتكون مروقله المكان..وبيمشى والمحل مفتوح وانا وانت موجودين هيحتاج المفتاح ليه
وبصراحه سامى بيمدح فيكى وفى اخلاقك وتعاملكم سوا..ودا شىء طيب نادرا ما تلاقى حد بيمدح فى زميله
سامى ابن حلال با حاج وعارف شغله كويس
ربنا يديم المحبه بينكم
وتوطدت علاقه طارق بسامى واستمرت الحياه بشظف عيشها وخشونه ايامها تمضى على الفتى حتى عرفه الكثير من اهل الجوار وشملوه بعطفهم فهم لا ينسون فى المناسبات ان يمنحوه بعض من الطعام المطبوخ مع اللحم وكم من صدقات تذكرة امام المسجد بها ليعينه على استئجار حجرة..
وذات ليله استاذن الحاج رضوان من طارق مبكرا على غير العادة: خلى بالك هغيب ثلاثه ايام فى الصعيد ويومبن سفر
لو قدرت تساعد سامى شوبه فى فترة الصبح حتى هو يفضل زى ما هو وانت امسك الكيس
امرك يا حاج
انت عارف واجب العزا فى الصعيد منقدرشى نغيب عنه..ولاد عمى يكلوا وشى
تسافر وترجع بالسلامه والمعصرة فى الحفظ والصون
دا عشمى يا بنى احسن من وقف الحال عموما اخر النهار بنتى شمس حتقف شويه معاك على الكيس
اللى تشوفه المعصرة معصرتك بس مفيش داعى تتعب بنتك
هى اللى صممت خليها تشوف الدنيا ماشيه ازاى
..................................................
واشرقت الشمس بنور ربها وارسلت نسائم اشعتها الذهبيه وارتفع الباب الصاج عن المعصرة ونادى طارق على الصبى خلف المعصرة حيث انكب على اكوام القصب يرتب العيدان تمهيدا لاجراء عمليه الكحت اليومى
بقولك يا سليم تعال شويه
خير يا معلم
عايزك تعمل فطار يشرف النهردة
الله الله خير يا معلم
عايز فطار لخمس افراد..فوت على ام نجلاء جيب منها عشر بيضات على خمس حتت جبنه وهات بثلاثه جنبه فول وزيهم طعميه ومتنساش المخلل والعيش..اه استنى هات كيلو خيار ونص قوطه
ايه دا كله يا معلم
امبارح قابلت صلاح وحسن وعرفت انهم مسافرين النهردة للكليه وانت عارف معزتهم فى قلبى ويا عالم حشوفهم تانى امتى فعزمتهم نفطر سوا وانت شايف كل شوبه بيفتكرونى بلى ربنا يقسم بيه
ومالبث سليم ان غاب فترة وعاد محملا بالطلبات ودنا من طارق: بص يا معلم انا مش عارف اتعامل مع ام نجلاء
على طول رافضه نأخد فلوس اول ما تعرف انك صاحب الدعوة
خلاص سبهالى دى ست زى السكر بتحفظ الجميل..فكرانى بدفع مشروبها اليومى من جيبى
هى بتأخد الطلبات مجانى يا معلم
المعلم رضوان ربنا يرجعه بالسلامه لما جت تشرب العصير حلفت عليها انى ادفع طلباتها ومن يومها المعلم قالى خليها تشرب وايد الحساب على المعصرة وربنا يجعلها فى ميزان حسناتنا
طب وانت يا معلم طارق بتعمل كدة ليه

يتبع

قصيره جدا وجميله اوى الحلقه دى بتفكرنى بالمسلسل لما الحلقه تبقى حلوه بس الاعلانات قصرتها