موعد مع المليون7

سيبك من الموضوع ده واجرى جبلنا تربيزة من القهوة وكام كرسى ووصى على شاى حليب..
وقبل ان يتم فرش التربيزة كان الجميع قد اتى
السلام عليكم
عليكم السلام اهلا شبخ صلاح ازيك با حسن اتفضلوا
اوعى نكون بنعطلك عن الشغل
احنا لسا هنقول يا هادى..اهو سامى كمان وصل
يالا يا سامى الهمه معانا
وجلس الجميغ الى الطعام ورد الشيخ صلاح : سموا الله..بلاش تخلوا الشيطان يأكل معانا
ونظر سليم الى صلاح : بعنى ايه نسمى الله
بنظرة اشفاق نظر صلاح الى الفتى الصغبر : انت دخلت مدرسه
فرد: انا طلعت من تانيه ابتدائى
ورد حسن بانفعاله المعهود: ليه
كل اللى فاكره ان ابويا اتخانق مع امى وسبلها البيت وطفش ومن يومها منعرفش حاجه عنه
وفين اخواته واهله
كل اللى نعرفه انه وصل من الصعيد الجوانى من قريه تبع اسيوط وجه اشتغل فى المينا تبع مقاول هو واخوه..وبعد فترة عمى سافر الخليج وانقطعت اخبارة مع حرب العراق الاولى..
وفين ولاد عمك
تعرف اول شارع تل القلزم هنا قريب مننا تلاقى واد واقف على الناصيه ناضورجى
تفصد ايه
ابن عمى اكبر منى عنده دلوقتى 15 سنه بس رجله جت فى الخيه اتعلم شرب السجاير والبانجو وبدأ يشتغل مع عيله خليل بيأخذ كل يوم تعميرة وميايه
ورد صلاح كل ده عرفته من فين
من كام شهر كنت خالى شغل وعرض ابن عمى انى اشتغل معاه
ورد طارق واشتغلت ياض
بصراحه يا معلم فى الاول وافقت بس امى لما خدت خبر فضلت تعيط وتولول صعبت على قالتلى يا بنى على اخر ايامى يابنى اكل حرام..مش كفايه الغلب والبهدله الى احنا شربينه
وجت كلمت الحاج رضوان ..واهى ماشيه
ورد صلاح : بص بقا يا سليم انت لازم تتعلم الصلاة وتحافظ عليها وتعرف امور دينك العلم مش فى المدارس بس فى واحد عظيم طلع زيك من المدرسه وقدر يحقق اللى يصعب على المتعلمين تحقيقه جايز تكون سمعت اسمه العقاد
وهز الفتى راسه بالنفى
والتفت صلاح موجها حديثه الى طارق : سليم امانه فى رقبتنا ..المسلم لازم يعين اخاه على الخير..لازم تعلمه الصلاة..علمه ما علمك الله ..الحسنه مش بالتصدق بالمال فقط..ممكن تكون بكلمه طيبه..دا تبسمك فى وجه اخيك صدقه
وبدون مقدمات: ايه اللى بيحصل دة
والتفت الجميع الى مصدر الصوت

يتبع

قلبت دراما بس جامده