ونطق الرجل وهو يتخذ مكانه جوار مدحت وقد فتح ازرار جاكته استاذ مدحت عامل ايه دلوقتى واشار مدحت برأسه متجنبا الكلام
اخوك فى البنك محمد سليمان جاى وخجلان منك
ليه كادت ان تخرج من فم مدحت
بص يا سيدى البنك ميقدرشى يسيبك فى المستشفى على طول تقدر تروح شقتك فى المهندسين وتشوف حد يرعاك
على فكرة احوال البنك بتتغير الايام ديه منزلين منشور معاش مبكر
وحدق مدحت فى محمد مستوضحا
بصراحه عايزينك تقدم فيه
من غير احراج واسف انى بقولك انت دلوقتى عندك اتنين واربعين سنه ومليونير وتاخد مبلغ كويس ومعاش ليه متقدمش وتستريح من وجع اللقلب
ياريت المنشور ينطبق عليا
كمان العلاج البنك حيفضل متكفل بيه لاصحاب المعاشات المبكره
وجعت دماغك بس نصيحه المعاش براحتك تحب تطلع محدش بيغصبك
بس انا لو فى مكانك اطلع
قالها وهو ينهض بكره او بعده بتخرج حاول تدبر امرك
ياه اعمل ايه قالها مدحت بمجرد ان خرج الرجا من الحجره نطق وكل علامات الاستفهام فى داخله ماذا اريد كيف اتصرف ان الامور تسير لصالحه ماذا يخبء القدر له
وسمع طرقات الباب ودخلت الممرضه ونظر اليها والاربطه تحيط وجهه
واقتربت منه فأحدق فيه نظراته اتها لاترتدى دبله فى يدها وعمرها لايتجاوزالرابعه والعشرين وربما يقل فهى تحمل عناء اسرتها واميل الى السمره خلاف زوجته التى تملك جمالا لم تمحيه الايام بعد
ورفعت عيناها ناحيته وهى تمد الدواء لفمه افتح فمك ايوة كده شاطر
واخذ دوائه وهى تكمل الاستاذ اللى كان عندك كان بيطلب من المستشفى اذن خروجك
والدكتور بيقول ان حالتك مستقره تقدر تغير كل يوم على وجهك والجبس شهر وتفكه كمان
محتاج شويه علاج طبيعى
اما كلامك فانت تقدر تتكلم بس محتاج شويه ايمان اللى حصل مممكن يحصل لاى حد ديه مشيئه ربنا
ونطق مدحت ونعمه بالله
انت نطقت
البركه فيكى ممكن اسالك سؤال
ايوة
متعلقاتى الشخصيه فين
فى عهده المستشفى اكيد
ممكن اشوفها
حاضر واحضرت حقيبه مملؤه بملابس واخرى بها كثير من الاوراق
ادرك مدحت انه قبل ان يقفز من السياره اتحرف بها متفاديا التصادم الرهيب الا ان التريلا قد صعدت فوق السياره من الامام فهشمت الجزء الامامى دون ان تمسك المقعد الخلفى او شنطه السياره
وطلب مدحت الممرضه سهام ان تحضروفتحت له احدى الشنط
وفغر فمه مندهشا فقد كانت مليئه بالنقود
واغلقت الممرضه الباب
ونظر مدحت اليها يرى وقع المال على قلبها
ولم يلمح هذا الجشع فيها لم تتغير تظرتها وكانها كانت مدركه للامر
ونظر مدحت داخله وكان قراره
سهام ممكن خدمه
خير قالتها بعفويه
انتى ابوكى قعيد الفراش وليكى اخواتفى البيت
ممكن لما اخر من المستشفى اقيم عندكم لحد ما اقدر اتحرك انتى عارفه انا مليش اهل
بس
انا عارف القرار مش قرارك اعرضى على مامتك خمس الاف جنيه ومصاريف علاجى واكلى على ممكن
ونظر اليها يحرك رغبتها ونتى كمان ليكى زيهم
مش الفكره استاذ مدحت والله ما تهمنى الفلوس احنا ناس بساط على قد الحال عايشين فى مساكن شعبيه والبيت مش زى ما انت فاكر
اعرضى بس الامر علي اهلك لانى مش قادر افكر اروح فين بحالتى ديه
وقبل ان تستدير
سهام
خدى الف من الشنطه انتى تعبتى معايا وخليهم يشيلوا الحاجه بس سيبى الشنطه الصغيره هاتيها جنبى
مستنى ردك
وناولته الحقيبه
وقبل ان تخرج
ممكن تناولينى الموبايل من الشنطه
