ارتعدت مفاصل مدحت واهتز اتزانه وتلعثمت كلاماته وفقد المقدره على الكلام الا ان ضحكت عم رجب اعادته الى الاتزان فرفع نظره صوبه
ايه حكايتك استاذ مدحت انت مش قلتلى انك متقدرش تشوف كلمه واحده بدون نظارتك
وصدرت تنهيده صغيره من مدحت اخرج فيها كل قلقه وخوفه
اه بس انا عملت عمليه تصحيح مسار بالليزر
مش فام يعنى ايه
سيبك من الكلام ده خلينا فى موضوعنا
مواضيع ايه تانى فلوسك حطتها فى البنك والايصال عندك تعرف ده اكبر مبلغ اشيله فى حياتى كنت مرعوب البلد فهاش امان وايه ده بخلاف الشيكات
كل حاجه عندك
فاضل انى ابعلك شقه روكسى
لا خلاص بلاش نبيعها دلوقتى
براحتك انا تحت امرك ونقدر نشترى ارض فى المدن الجديده ونسقعها
طبعا بس دلوقتى عايز اشوف صحتى مش وقته ولا انت ايه رايك
طبعا عموما انا تحت امرك واوراق الشقتين موجوده فى الشنطه استاذن انا
وهم بالانصراف
استنى فيه حاجه نسيتها
خير فيه ايه
مفاتيح الشقق
اه اسف يا بنى
ومد يده داخل جيبه ليخرج سلسله المفاتيح ليقدمها لمدحت وهو يساله حتعرف تروح شقه الجيزة لوحدك
هو انا غريب عن البلد قالها وهو يقول هى الجيزة فين بداخله
وبعدين مش العنوان مكتوب فى عقد البيع
اه يا بنى
عموما لو حبيت اروح معاك اتصل بيا
مقدرش استغنى عن خدماتك ياراجل يا طيب
وهم عم رجب بالانصراف واستودع مدحت ومد يده لفتح الباب فسبقته يد بالخارج الى اكوره الباب
وتعلق نظر عم رجب بامين الشرطه ورفيقه وسأل بعفويه ابن البلد خير فيه حاجه
ومن الداخل اجاب مدحت مفيش يا عم رجب روح انته ده مجرد اصدقاء
وكأنما ارداد مدحت ابعاد رجب عن حياته كلها فهو اول من يستطيع التعرف عليه ولولا الكم الهائل من الضمدات حوله لشك الرجل فيه والان عليه ان يجابه المواجه الثانيه ليتحرر من ظلامه ويكسر القيد وينطلق فهو يعلم ان لو انكشف امره سيسجن ولو افصح عن نفسه سيغيب فى السجون فكل امره فى كلتا الحالتين هو السجن
اليس كان يقود السياره بدون رخص فمن يشفع للحكومه
انه ليعلم مدى احتياج صاحب التريلا اليه ليفك سجن ابنه لكن كيف؟
واستدار للرجلين
يتبع
