hodhod
المديرة
المشـاركات : 6811
العمر : 30
مـزاجى : 
بـلدى : 
مـهنتى : 
هـوايتـي : 
الأوسمـة : 
تاريخ التسجيل : 01/05/2008
دعـاء : 
الساعة :
 | | موضوع: هنا القاهرة الإثنين أبريل 20, 2009 1:07 am | |
|  هنا القاهرة القاهرة القاهرة
هنا القاهرة القاهرة القاهرة
هنا القاهرة الساحرة الآسرة
الهادرة الساهرة الساترة السافرة
هنا القاهرة الزاهرة العاطرة
الشاعرة النيرة الخيرة الطاهرة
هنا القاهرة الصابرة الساخرة القادرة
المنذرة الثائرة الظافرة
هنا القاهرة القاهرة القاهرة
صدى الهمس في الزحمة والشوشرة
أسى الوحدة في اللمة والنطورة
هنا الحب والكدب والمنظرة
نشا الغش في الوش والافترا
هنا القرش والرش والقش والسمسرة
هنا الحب والحق والرحمة والمغفرة
هنا القاهرة القاهرة القاهرة
وأنا في قلب دوامتك الدايرة بينا
بصرخ بحبك يا أجمل مدينة
يا ضحكة حزينة يا طايشة ورزينة
بحبك وأعفر جبيني في ترابك
وأعيش في رحابك
واقف جنب بابك
جنايني أروى بالدم وردة شبابك
يا زينة جنينة حياتنا اللعينة
بحبك بحبك بحبك
بحبك بحبك يا بنت اللذينا بحبك
*****
هنا القاهرة القاهرة القاهرة
هنا القاهرة القاهرة القاهرة
هنا النيل يسيل وبحنانه النبيل
يروى جيل بعد جيل نقهر المستحيل
هنا الأهرامات واقفة تحكي بثبات
ذكريات اللي فات لأبن مصر الأصيل
هنا مارى جرجس بسيفه يبرجس
ويهرس في إبليس ويشفى العليل
هنا القاهرة القاهرة القاهرة
تدور طواحين السنين كالنبات
نعيش دوارين م الميلاد للممات
نقيم سقالات إنشاءات معجزات
وندى الوجود أنبيا ورسالات
ومن عشقنا للحياة والبنا والنبات
واجهنا رياح الفنا بنبضة الأغنيات
هنا القاهرة القاهرة القاهرة
وأنا في قلب دوامتك الدايرة بينا
بصرخ بحبك يا أجمل مدينة
يا ضحكة حزينة يا طايشة ورزينة
بحبك وأعفر جبيني في ترابك
وأعيش في رحابك
واقف جنب بابك
جنايني أروى بالدم وردة شبابك
يا زينة جنينة حياتنا اللعينة
بحبك بحبك بحبك
بحبك بحبك يا بنت اللذينا بحبك
*****
هنا القاهرة القاهرة القاهرة
هنا القاهرة القاهرة القاهرة
هنا تاج بلدنا هنا الألف مدنه
ومدنه قصادنا هنا
هنا سوق بلدنا وزادنا
قصبنا حصادنا قصادنا هنا
هنا شوق ولادنا همومنا عددنا
وأحلام تزيد عن عددنا هنا
هنا القاهرة القاهرة القاهرة
هنا الطب بالطب داء واستبد
متعرف مرارنا هزار ولا جد
وده نهار عمل ولا جمعه وحد
ولا حد خد باله من اى حد
حياتنا هنا حارة سد وسؤال ماله رد
لكن وردة الغد فارده على كل خد
هنا القاهرة القاهرة القاهرة
وأنا في قلب دوامتك الدايرة بينا
بصرخ بحبك يا أجمل مدينة
يا ضحكة حزينة يا طايشة ورزينة
بحبك وأعفر جبيني في ترابك
وأعيش في رحابك
واقف جنب بابك
جنايني أروى بالدم وردة شبابك
يا زينة جنينة حياتنا اللعينة
بحبك بحبك بحبك
بحبك بحبك يا بنت اللذينا بحبك | |
|
همسه
هدهد سوبر
المشـاركات : 201
العمر : 48
مـزاجى : 
بـلدى :
مـهنتى : 
هـوايتـي : 
الأوسمـة : 
تاريخ التسجيل : 20/04/2009
الساعة :
| | موضوع: رد: هنا القاهرة الإثنين أبريل 20, 2009 3:24 pm | |
| قصيده جميله تضحك وتبكى مع اتها خليط بين العاميه والفصحى بس بجد برافووووووووو عليكىواستمرى واكتبى كل اللى عندك | |
|
hodhod
المديرة
المشـاركات : 6811
العمر : 30
مـزاجى :
بـلدى :
مـهنتى :
هـوايتـي :
الأوسمـة :
تاريخ التسجيل : 01/05/2008
دعـاء :
الساعة :
| | موضوع: رد: هنا القاهرة الثلاثاء أبريل 21, 2009 2:08 am | |
| تسلمى ياقمر علي مرورك الجميل
بس مش انا اللى كتباها دى قصيدة منقولة
هههههههههههه انا مبعرفش اكتب الكلام الحلو دة | |
|
