انا مش ورقة

محمد:المهم الحاج حسين ولا الدكتور حسين ده قالك ايه

عبدالرحمن:هو قالي اعتبرني زي ابوك والكلام اللي هتقوله ده سر بينا انت عارف على الرغم انه كبير في السن الا اني كنت حاسس اني بكلم واحد صاحبي وحسيت براحه في كلامه وقررت اني احكيله اللي حصل كله لحد مكالمه سها الاخيره بس وانا بحكيله على سها مش عارف ليه كنت مكسوف اوي منه وكنت محرج

يعني هي بالنسبه لي ايه يعني ......لما ابتديت احكيله عنها قلتله انا اعرف واحده اسمها سها ........مكنتش عارف اكمل ازاي وللا اقدمهاله على انها ايه هو طبعا كان
فاهم......وطول ماانا بحكيله كان مبتسم
انا بصراحه كنت مستغرب وقلت في نفسي ده اللي هلاقي عنده الاجابه ربنا يستر بس بعد ماخلصت

الحاج حسين:ايوه يابني انا عايزك تسمعه بأذن قلبك ماشي اسمع معايا كده

عن أبى سعيد الخدرى أن نبى الله صلى الله علية وسلم قال ( إن رجلا قتل تسعة وتسعين نفسا ، ثم عرضت له التوبة ، فسأل عن أعلم أهل الأرض ؟ فدل على راهب ، فأتاه ، فقال : إنه قتل تسعة وتسعين نفسا ، فهل له من توبة ؟ فقال : لا ، فقتله ، فكمل به مائة ، ثم سأل عن أعلم أهل الأرض ؟ فدل على رجل عالم ، فقال : إنه قتل مائة نفس ، فهل له من توبة ؟ قال : نعم ، ومن يحول بينه وبين التوبة ؟ انطلق إلى أرض كذا وكذا ، فإن بها أناسا يعبدون الله ، فاعبد الله معهم ، ولا ترجع إلى أرضك ، فإنها أرض سوء ، فانطلق حتى إذا نصف الطريق أتاه الموت ، فاختصمت فيه ملائكة الرحمة ، وملائكة العذاب ،
فقالت ملائكة الرحمة : جاء تائبا مقبلا بقلبه إلى الله تعالى ،
وقالت ملائكة العذاب : إنه لم يعمل خيرا قط ،
فأتاهم ملك في صورة آدمي ، فجعلوه بينهم ، فقال : قيسوا بين الأرضين ، فإلى أيتهما كان أدنى فهو لها ، فقاسوا ، فوجدوه أدنى إلى الأرض التي أراد ، فقبضته ملائكة الرحمة 0 صحيح الجامع

قال قتادة : فقال الحسن : ذكر لنا أنه لما أتاه الموت نأى بصدره )

الحاج حسين:ايوه يابني ربنا غفور رحيم

عبدالرحمن:سبحان الله

الحاج حسين:عشان ماتقنطش من رحمه ربنا مهما بلغت ذنوبك وانت كمان سمعت انهارده في الفجر الايه

بالنسبه للي حصل لكم في الاتوبيس وانتم راجعين من سفركم دي كانت رساله من ربنا بتقولكم فوقوا انتوا بتعملوا ايه..... بس للاسف كان جهاز الاستقبال عندكم مش شغال بيستقبل بس مابيترجمش وسبحان الله عصيتوا ربنا بنفس المعصيه ورحتوا تحضروا حفله اغاني وووو

وموت ابن خالتك محمود فجأة دي رساله تانيه بس المره دي كانت ليك لواحدك لان محمود خلاص زي ماقالك في الحلم فات الاوان ممكن كنت انت اللي تبقى مكانه

وتفريطك انت ومحمود كان في جنب الله

عبدالرحمن:اه طبعا

عارف الحاجه اللي انت بتعبدها غير ربنا دي ايه هي؟ حبك لسها انت متبع لهواك

الحاج حسين:انت يابني عرفت دلوقتي طبعا ان اللي بينك وبين سها ده حرام ماشي وربنا مايرضاش بكده وانت بكده مش مقدر ربنا حق قدره اتبعت هواك وتركت أوامر الله يعني
انت دلوقتي تقدر تسيبها؟بعد ماعرفت انه حرام

عبدالرحمن:بصراحه لا مقدرش

الحاج حسين :والله اذا امكن لك السفر سافر

الحاج حسين:بص يابني انت تسافر دلوقتي..... ربنا ان شاء الله ييسرلك السفر..... وماتقولش لسها ان انت مسافر يعني مثلا ماتروحش تتصل بيها وتقولها انا بودعك لاني مسافر او انا عايز اشوفك احنا عايزين نبداأ اول خطوات العلاج ماشي ولما ترجع من السفر ان شاء الله هنشوف موضوع سها سيبه دلوقتي على جنب

انا عارف انك هتلتزم بالصلاه وهتبطل تسمع اغاني وافلام وغيره انا واثق منك انت هتقدر ان شاء الله

عبدالرحمن:هو طبيب قلوب مش دكتور بشري قولتلك ........انت غلبتني معاك شكلي مش هكملك
الحكايه.....

محمد:خلاص خلاص حقك عليه كمل