كان طارق يجر قدميه جرا الى المحل ..منقبض الصدر يحس بأن انفاسه تتلاحق..مشتت الفكر حائر..لا يريد ان يواجه شمس ويحس من اعماقه بتكبرها وضأله الناس فى نظرها
فأستعاذ بالله من الشيطان الرجيم:لسه صغيرة بكره تفهم الدنيا..الا ان احساسه ذهب ادراج الرياح فمع اول لمحه من عيناه الى داخل المحل حتى تبدل احساسه فقد افترش الارض بمفرش وكسى الطعام الشهى الارض بينما جلس العاملان يلتهمان وجبتيهما فى نهم معروف تتسابق الايدى الى الصحون..تكاد الاصابع ان تخطىء الفم ...وصاح سامى وفمه يتحشرج بالطعام : قرب يا طارق احنا خلصنا اهو عشان تأكل انت وشمس
لم يقوى على ان ينطق لقد فهم انها من طلب هذا الطعام الفاخر
الاكل على حساب المحل انا واخده موافقه بابا
يدوم يا ست شمس قالها وهو يحس بالاختناق يعاوده...وحينما جلس الى الطعام ادرك ان لذته ليست بنوعيته بل بمدى تقبلك له..فالسفرة التى اعدت للافطار من يومين كانت اشهى فى مزاقها من طعم اللحم اليوم
وجلست قبالته تنظر اليه..تريد ان تذهب الى اعماقه وان تفهم تلك النفس العزيزة..تريد ان تتجازب معه اطراف الحديث..انت خريج ايه يا طارق
علوم الاسماعيليه
بس انا شايفه كتب لغات وادب وفقه وحاجات كتير قوى
شفتيها فين
اسفه انا فتحت الرابطه اللى ف اخر المحل افتكرتها تخص بابا
كان يدرك انها تكذب..فهى تعلم انه ينام فى المحل ولكنه اراد ارضاء طبيعتها انا بأجيد لغتين
مرة واحدة
لم يدرك هل قالتها تعجبا ام سخريه من حاله: مش فاهم
ابدا مقصدشى بس يعنى بتتعلم ليه تانى وانت شايف حال المتعلمين ازاى فى مصر النهردة اللى معاه قرش بيسوى قرش
جايز الكلام صح لحد النهردة لكن دوام الحال محال وعمرنا ما شفنا امم بتنهض وتتقدم باصحاب الاموال الا لو استعانوا بالمثقفين والعلماء
المال يا انسه شمس ممكن يهلك صاحبه لكن العلم عمرة ما يوصلنا الا للى نبنى به الوطن
بس انا شايفه اننا نقدر نشترى العلم واى حاجه بالفلوس..النهردة السيارة .البوتجاز..الغساله ..مصر لحد النهردة بتستورد اجزائها لكن فين المثقفين حتلاقيهم محشورين فى الاتوبيسات والمترو
ما قلت ان الوضع مقلوب واحنا مش امه ناهضه احنا نعتبر من الامم الجاهله
جاهله ازاى يعنى
شوفى خريجى الدبلومات تقريبا كتير منهم ميعرفشى يقرا او يمارس مهنه لو فى انفاق على التعليم مكنشى حالنا يوصل لكدة..لكن اغنياء البلد بخلوا باموال الزكاه وفى اعراض عن ذكر الله كان لازم يبقى فى اختبار من ربنا ومعيشه ضنك
افهم من كده انك بتحقد على الاغنياء
ابدا ان بشفق عليهم من يوم حسابهم احنا مهما طالت اعمارناهنسيب الدنيا اشقانا فى النار وافضلنا اللى يزحزح عنها ويفوز بجنه رضوان
لالالا كده انت قلبتها دين انا مش قدك يا عم
يا ست شمس لازم فى كل حياتنا نخلى علاقتنا بربنا قدامنا الانسان لم يخلق الا للعبادة
طب كمل اكلك انت تقريبا بتتفرج على الاكل ..مينفعشى كدة..ولا عايز حد يأكلك..واصدرت ضحكه لفتت فيها انظار سليم خارج المحل فنظر الى الداخل
فأجابها طارق : اصلى مش متعود اكل دلوقتى
معقول
بفطر الصبح واتغدى بعد العشاء
معقول طب والعشاء يكون امتا
الحمد لله على كل حال مالهم وجبتين فى اليوم
بسم الله ما شاء الله عينى بردة عليك مفيش كرش وجسمك متناسق
والله ابدا هى جت كده..المهم خلصتى انتى اكل ولا لسه انا شايفك بطلتى تكلى
اه اه خلاص تعال يا سليم شيل الاطباق
خليه هو فى شغله وسيبى الاطباق على
طب انا همشى دلوقتى وارجع على المغرب عشان متبقاش لوحدك
نعم بتقولى ايه
يتبع
