السلام عليكم ورحمت الله وبركاته
وعليكم السلام ورحمه الله وبركاته
اهلا اهلا اهلا
اهلا بالمعارك يا سيدي
مين القلب الطيب
واحد تايه وجه هنا غلط بس هاروحه بيتهم يلا بقي اشوفك بخير هاقوم ارجعه هههههههه
تعاله ياحنين عايزك انا
وانا مش عايزك يا قاسي ههههههههه
انا مش هاكتر معاك فى الكلام هاختصر ياعنى
بلاش تتكلم اساسا يا عم انا عايزك ترتاح
انت معاك صيدليه صح ابقى هاتلك شريط كوتيفان اصلى حظبطك
مش بيحوق معايا الكيتوفان هاخد قرصين كالميبام وانام يبقي اطفي النور وانت خارج ههههههه
اولا:مش ها تكلم معاك عن الحب والكلام الفاضى ده لا
نخش فى الموضوع
يا ريت بلاش تتكلم في اي حاجه يعني
1:حسيت مره انك عايز تبقى حاجه مهمه؟وايه هيه؟
اه طبعا اتمنيت اكون حاجه مهمة جدا او اتمنيت اكون كل حاجة مهمة اتمنيت اكون لاعب كورة كبير واتمنيت اكون رئيس او ملك اتمنيت اكون اي حاجه في بالك
2:وانت فى الكليه ايه الموقف اللى احرجك؟
انظر الصفحه اللي فاتت هههههههههه
3:بتسمع اغانى ؟ومن اى نوع؟ومين المطربين اللى بتحب تسمعهم؟
اه باسمع اغاني من النوع الاليف هههههههه
بحب ورده وفيروز اكتر اتنين بس باسمع اي اغنيه بتعجبني
4:ايه اخر خناقه ليك؟وعملت فيها ايه اضربت ولا ضربت؟ههههههههههههه قولى قولى متتكسفش
اخر خناقه من اول ما دخلت الموضوع ده وانا باتخانق خخخخخخخخخخ ممكن تقول اني مش باضرب ولا باتضرب في خناقاتي دايما باعتمد علي المنطق يعني اللي قدامي بيقع وميحطش منطق ههههههه بصراحه انا مش باتخانق وان اتخانقت بتبقي مشاده كلاميه مش اكتر دايما يا باقتنع بوجهة نظر اللي فدامي يا اما باقنعه بوجهه نظري
5:مين الشخص اللى فراقه اثر فيك؟
والدي وجدي الله يرحمهم
6:ليه رافض فكره الجواز ؟وايه وجهت نظرك منها؟
انت قلت رافضها يبقي ايه وجهة نظري ؟ علي العموم هاقولك ليه رافضها هاتلي واحدة في الدنيا دي مش نكديه ومش رغايه وعقلها مش صغير وانا اغير الفكره دي علطول هههههههه
7:قولى انت دخلت الكليه علشان انت شاطر وبتزاكر وكده ولا كوسه هههههههههههههه؟
لا كده ولا كده ده مكتب التنسيق اللي عملها فيا
8:ايه رائيك فى شهره رمضان السنه دى؟ ولو فيه اختلاف عن الشهور اللى عدت ايه هيه؟
الفرق الوحيد ان الواحد بيحس بعطش شديد مش عارف سببه لحد المغرب تفتكر ده علشان مش فادر اشرب صايم يعني هههههههههههه
الفرق تلاقيه في الجوامع بسم الله ماشاء الله الجوامع في رمضان بتشغي اما في الشهور العادية مش بتلاقي حد خالص
9:بتختم القراءن كام مره فى رمضان؟
بص انا عامل لنفسي ورد يومي من القران وبعدين موضوع العبادات بيبفي سر بين العبد وربه لما العبد بيتكلم ويقول قريت قد كذا بيدخل فيها شويه رياء اعوذبالله منه علشان كده مش بحب اتكلم عن ده ابدا
