الشيطان الفارس 9

بتكلمى جد
ليه فكرنى بهزر انت شايف مروة محتاره ازاى .تكلمك .قلت ايه. ريحنى واقول حاضر
من غير كلام لازم امرك ينفذ
بلاش هزار حدد ميعاد بسرعه خلينى ابشر البنت الغلبانه والله بتموت فيك عمرك متلاقى واحده تحبك حبها
انا عارفه مجنونه ليه بحبك اوعى تكون عملها عمل ولا بتسحرلها

وتلاشى كلامها انا حقولها الميعاد متخفيش لازم اروح
اوكيييييه
وخطى الاثنان الى الجمع وسط بسمه مى لمروة التى فهمت مضمونها فبادلتها الابتسامه
وكانت سميره تراقب الموقف مع زميلتها فى رغبه لفك طلاسم اللقاء وسط شكوكها ورغبتها الدفينه فى كشف المستور لكن لم تتح لها الفرصه للاقتراب فقد احيط الجمع ببعضه فى تلاصق يشد ازر بعضه
وتلاقت عيون فارس بمروة فسالته عن رايه
فلم يمهل لسانها الحركه فاسرع يجيبها حددى الميعاد وانا حكون موجود
ايه رايك بكره الساعه12 الضهر
بعفويه سال ليه مش اخر النهار
اصل الضهر اخوى فى المدرسه واختى اخر النهار بتيجى عندنا وماما عايزة تقابلك لوحدها
خلاص اتفقنا
احنا عمرنا ما اختلافنا مروة عشان نتفق على طول متفقين انشاء الله
فهمست بابتسامه بحبك
فرد بتلقائيه بموت فيكى
وكانت سمبرةتحس بان فى الامر شىء غريب يحدث فهمست لصديقتها بسمه الواد دا مجننى فردت بسمه ضاحكه عليه شويه شعر اصفر ولا الاجانب ولا صدره يختى عليه يجنن
يطلى هبل يا بت هو اه حلو وكل حاجه بس محدش قادر يكسر عينه تصدقى يوم ما رقص معاى حسيت انى حنام فى حضنه لو الفقريه طيت علينا
وناويه تسكتى ليهم
طب اعمل ايه
اخرجى وراه قابليه بره الجامعه
من ساعه ما الموبايل بتاعه ضاع مش عارفه رقمه
ولا يهمك اجيبلك الرقم بس خليكى وراه النهردة

وعند انتهاء المحاضرات لمحت مى عيون سميره تلاحق فارس فادركت انها تسعى اليه فارادت ان تقطع الطريق على الافعى فدعت مروة لتقوم بتوصيلها هى وفارس والذى ادرك مكمن فرسه
فركب معهما فى لهفه ما اعتادها طوال ايام الدراسه
وعندما توقفت السياره ليهبط فارس كانت هناك بسمه تشرق وجهه وهو يلحق السياره بعينيه مبتعده
ولم تدرك الفتاتان السر الا عند توقفت السياره لهبوط مى منها فقد حملت حقيبه الموبايل الى مروة قائله اوعى تنسيه فى السياره
نعم انسى ايه
الكيس ده
دا بتاع فارس
وما ان فتحته مى الا ووجدت بداخله رساله اسف مروة مقدرش اقبل هديه بالتمن ده
ونظرت كلتهما للاخرى واحست مى بالذنب
لكن ضحكه مروة كانت اسرع لتزيح الاحراج عن وجهها ويحل التعجب على خدودها
تصدقى قلت لماما مستحيل يقبل الهديه مصدقنيش
وعلت ضحكتا الفتاتان
على الجانب الاخر كانت سميره تكاد تجن من تباعد فارس وصعوبه التحدث اليه فلم تدخر وسعا واعادت كرتها من جديد فما ان هبط من سيارة مى الا وكانت سيارتها تلاحقه قبل ان يعبر الطريق الى مدينته ونادته فارس فالتفت غير مصدق مين سميرة

وسالته فى اخطر مواجهه له معها
فارس انا بحبك واقدر اسعدك متفكرشى انى بنت هوائيه زى البعض ما بيقول صدقنى لا انا بحبك بس مش عارفه اعبر كويس عن مشاعرى
انا مستعديه اتجوزجك عرفى من بكره لو تحب
واسقط فى يد فارس واحتارت كلماته
مش عايزة ردك انا مستعديه اعملك كل اللى انت عايزة بس ارجوك فكر فى عرضى وقدامك اسبوع وقبل ان تتركه سالته رقمك كام
فرد بعفويه الموبايل ضاع منى
فاخرجت موبايلها خد دة بس اشترى خط ومن بكرة حيكون عندك واحد جديد

وعندما انفرد فارس بزميله فى المدينه لم يكن يستمع اليه وهو يسخر من مجىء البنات اليه فى عقر داره ويصفه بدون جوان المدينه كان فكره قد غدا الى مملكه النساء وراى نفسه يدنو من تحقيق ااحلامه مع سميره
بينما لايعلم ما يخبئه له المستقبل مع مروة يستطيع اليوم ان ينال من الفتاه مبتغاه ولكن يعود الى مروة فيجد
عيناها تسعيان اليه وتذوب فى هواه وتهتف بحب قارس اياك والخيانه لا تقتلنى كطير ذبيح
ونام يحتضن وسادته حيران من غده
فلما اشرقت شمس الصباح كان قد تناول افطاره واستعد بفكره فيما يرتدى فقد اتفق مع مروه الا يذهبا الى الجامعه وستمر الفتاة عليه
فجلس يهندم من نفسه ويصلح وضعه ورغم بساطه ثيابه الا ان شعره الاشقر وعضلاته المفتوله وصدره الواسع ورشاقه قوامه طغت على زيه فاصبح فارس تتطلع اليه العيون
ومر الوقت مملا من الانتظار حتى حانت ساعه الذهاب فهبط يخطو برشاقه واتزان ويجهز فى عقله الكلمات وان كان اليوم اكثر ثقه مما كان فهناك هانم تنتظره فى الجولتها الاولى
ووصل الى مروة فركب السياره الى جوارها فنطلقت فى هوادة الى قصر قد شيد فى فخامه
فدلفت منه يتبعها فارس وقد سحقت عيناه فى انبهار لم يالفه
وتخطى البواب وسار فى حديقه فيحاء وصعد سلالم وعيناه جاحظتان لا يستطيع ان يحفظها من الدوران فى انبهارودلف الاثنان مدخل القصر وفتحت مروة الباب بمفتاح وفجاءه استدارت واحتضنت فارس
والصقت شفتياها بشفتيه
وهمست بحبك
فدفعها فى قسوة واستدار الى الباب يبغى الطريق
يتبع

لغه جميله تتميز وتنفرد في كلماتها وتسلسل احداثها الشيقه
التي تاخذ قارءها الى التشويق بمعرفه التالي...
مشكور على العطاء للقارئ الذي يستمتع بما تخطه يداك
مشكور
dsf

قصه جميلة ومع كل سطر يعبر عن احاسيس رائعة اشكرك اخى على هذة القصة الرائعة

الشيطان الفارس 9 12w

اللة عليك بتشوقنا نعرف اية هيحصل بعد كدة تسلم ايديك على كل حاجة tha

الحلقه تجنن واليك مزيد الابداع اخي محمود وشكرا لك برافـووو

» الشيطان الفارس 1
» الشيطان الفارس 2
» الفارس الشيطان 3
» الشيطان الفارس 4
» الشيطان الفارس 5