يلا نحلى ببلح الشام

بلح الشام سهله ولو عايزه عنب اليمن كمان بصي ياستي
المقادير : كوب ونص ماء _كوب دقيق _باكو بكنج بودر_بيضتين_ معلقه نشا متوسطه_ حوالي 3معالق زيت_باكو فانليا
مقادير الشربات:
_كوب وربع سكر وكوب ماء وشوية ماء ورد لو في
الطريقه:
اعملي الشربات حطي السكر والميه عالنار وقلبي اول مايغلي هدي النار وحطي نص لمونه وشوية ماء ورد لما يبدأ يتقل شويه اطفي النار عليه
والعجينه بقى حطي الميه عالنار والزيت واول ماتغلي حطي الدقيق مره واحده طبعا تكوني مفضيه عليه البكنج باودر والنشا وهدي النار وقلبي بسرعه لحد ماتلاقيه بقى كوره واحده شليه من عالنار وسيبيه يبرد شويه لما يبقى دافي كده اكسري عليه البيض و حطي الفانليها واعجني كويس وبعدين حطيه في قمع واقليه في زيت غزير وحطيه في الشربات البارد فورا
دي الوصفه اللي انا عرفاها وبتطلع معايا حلوه ولو باظت انزلي اشتري كيلوا من عند الحلواني وريحي دماغك

انا مش شايف الزعتر

هو معقول في اكلة بتعمليها يا موني من غير زعتر؟

على العموم شكرا على بلح الشام بس انا عايز بقلاوة

تسلمي يارب

وهاتي عنب اليمن يالله

أحاسيس كتب:

تسلمي يارب

وهاتي عنب اليمن يالله

ماشى احاسيس بس كدة من عنيا هسافر اليمين اجيبلك اتنين كيلو عنب والقلب الطيب كل بلح الشام اصلى مبعرقش اعمل بقلاوة والمرة الجاية هرشلك علية زعتر متزعلش هههههههه انا مبحبش ازعل زباين المحل لحسن يشتروا من برة

تسلمى مونى